休班警涉偷超市37元量杯 指「多嘢谂自然唔记得俾钱㗎啦」

54岁休班军装警员涉嫌本年3月于荃湾一超市高买一件仅值37元的量杯，被控一项盗窃罪。案件今在西九龙裁判法院进行审讯，警员自辩时指，自己案发当时又要想著家中及山上患病或不能自理的猫狗、妻子十多年前做手术、以及自己服食了抗敏感药等数项事宜，故不为意自己「好顺手咁摆咗个量杯入衫袋」后离开超市，又指量杯好轻感觉不到，被保安截停时只是心想：「唉呀！死啦！只量杯仲系度添」。

案件下午再续时，控方指出54岁被告沈剑云凭已任职警队逾30年的经验，应已足以提醒自己不应把未付款的物品放到衫袋。被告回应「都可以咁讲」，亦称自己不是「故意」而「系顺手」。

面对控方不断的盘问时，被告突然理直气壮地说：「如果我当时唔需要买，一定会放低，需要买我一定会俾钱，我嗰时作为警员仲有几个月退休，仲申请左180日延长（extend）工作，我会唔会为咗一个咁嘅量杯影响我工作呢？我知有CCTV（闭路电视），我知有保安，我有心偷周围冇人嘅时候一早就偷咗，点会周围行呀」。被告亦指自己「一时大懵做咗啲咁嘅事，搞到依家咁烦罗」，「记得俾钱就唔会俾人拉啦」。

控方质疑被告的说法不断转变，被告一开始指自己承认不留神故忘记付款，曾指量杯太轻感觉不到，及后又指「我知身上有量杯」，又指当时太乱做唔到决定，「我未决定买唔买只量杯，𠵱的量杯我屋企都有，买左我老婆会话我㗎嘛」。但在警诫下当时则指「屋企只猫琴日做完绝育手术唔舒服，头先谂紧只猫嘅嘢，所以我一时唔记得俾钱」。被告面对控方指各种解释均有出入时，被告称：「同口供讲梗系有改变啦」，「唔记得俾钱同买唔买系两回事嚟㗎喎」，又指「多嘢谂就自然唔记得（俾钱）㗎啦」。

任职警务人员的54岁被告沈剑云被控于2018年3月14日在香港新界荃湾愉景新城商场百佳超级市场Fusion内偷窃一个值$37的量杯，被盗物件属百佳超级市场（香港）有限公司的财物。

法庭记者：刘晓曦

建立时间：13:54
更新时间：16:22