半百陈雅伦嫁杏无期？　传未婚夫Martin淆底唔结婚

半百的陈雅伦（Ellen）早排甜蜜放闪，预告拍拖半年、细5岁的吴彦祖表哥Martin今年内完婚，更被拍得当街咀嘴，好Sweet咁款。但Ellen被指放料影相，Ellen嬲爆以全家性命发毒誓冇做过，仲疑似暗示Martin唔信任自己。近日Ellen冷静完有感而发，坦言「对的人是磨合出来」。 以为Ellen觅得幸福，但今日有报道指Ellen与Martin表面恩爱，但男方似乎受不住舆论压力，临门一脚淆底唔同Ellen结婚，更惊爆喜爱夜蒲的Martin与前度女友育有一子，但要仔唔要乸，决定打官司争抚养权。报道更指上星期四（16日）Ellen半百生日时，Martin竟一支公去尖沙咀夜蒲，未有陪在女友身边庆生。唔知Ellen会唔会变返嫁杏无期？