星8卦丨「甜甜」自力更生吊高嚟卖得罪「班霸」「东家」求开工待遇惨过做新人
2024-08-30 11:30 
好多人都过份相信自己，成日嫌自己喺旧东家冇好日子，被欺压，幻想独立出嚟就会遇到好伯乐 。系，的确系幻想，尤其系对「甜甜」嚟讲，一直都系妹仔角色，平平均均咁罗，后嚟真系朝中无大将，做过下女一，有过啲口碑，但都系刹那光辉。离开大公司初时，「班霸」对佢有啲意思，所以畀咗唔错条件罗致旗下，一来多个新面孔，又可以方便自己同佢发展下暧昧感情。
相关阅读：星8卦丨「霸道」心计重逼走同门做一姐 嫁入富门无钱驶重出江湖𤓓爆
可惜「甜甜」会错意，见「班霸」咁劲都对自己垂青，以为真系有货，于是吊高嚟卖 。旧东家一直见佢无乜著落，都搵过佢几次希望再续前缘 。咁样你又争佢又抢，令「甜甜」以为真系劲，竟然同「班霸」扭要多好多钱，「班霸」计数嗰个好精明，第一时间就话唔妥当。如是者拖拖拉拉，「甜甜」由好似好多人争去到最后系无人问津 。
最近搵人搭路入咗弱台做下散job，总之keep住人气有得亮相，连拍宣传片都要自己出钱化妆，借衫，完全系新人嘅待遇，贱过地底泥，但「甜甜」唔敢再表达啲乜嘢，但求有嘢做下，唔好畀人见唔到，希望会有其他机会畀自己东山再起。但以佢嘅才华，真系要畀心机等下，因为最heat嘅时候唔食住个势，好快就会被淘汰，尤其系娱乐圈！
其他文章：
星8卦丨「纯品」错爱「怪人」被分手 用附属咭支持靠「怪人妈」
星8卦丨「娇嗲」「阿仔」真心相爱结良缘 奶奶变态行径破坏夫妻关系
星8卦丨「高大妈」阻住阿仔拍拖出奇招 冷饭菜汁招呼「花旦」终分手
關鍵字
最新回应