星8卦丨「新贵」债主追到上公司 高层投降安排北上避麻烦
2024-08-02 11:30 
知道网上热烈讨论中，原来事件仲有后续！上回讲到「新贵」不单锺意食人妻，最好系你有男朋友我就搞，总之而家咁有名气又靓仔，后生女唔谂咁多架，玩一夜情最夹，大家唔驶负责任，如果啱玩咪耐唔耐开心下罗。
相关新闻：星8卦丨 「漏口」天生奸妃格专撬墙脚 遇「大婆」出招败走一身蚁无人同情
但「新贵」多情滥欲都系小事，佢最衰有铺烂赌瘾，乜都啱赌，红咗之后金山银堆住嚟，就更加有筹码。上得山多终遇虎，佢好快就遇到一班老千集团，见你有名气又有啲钱梗系夹埋敌你一大笔。而家最新进展系啲收数公司追到上佢嘅东家，用传统招数收啦，好彩人哋系大公司，啲古惑仔唔敢太过份，叫做畀返啲面，但对方亦识捉心理，知你要为「新贵」嘅面子着想，一定唔敢报警搞大件事。
高层睇住件事嘅进展，真系嬲到想同佢解约，但奈何系一只金蛋，佢输身家佢嘅事，公司始终搵到一大笔，心生一计，于是要佢北上，完全系香港消失。呢招又几有效，「新贵」由于后生又有实力，所以穿州过省都捞得ok，亦因为唔熟地头，无乜机会去继续自己嘅不良嗜好，最好系有更多北方佳丽同「新贵」开心 。
高层讲过情愿「新贵」好色好过烂赌，前者至多畀人觉得咸湿，但呢个年头，后生仔女唔系好介意偶像烂滚或者花心，总比做赌鬼咁样衰。
其他文章：
星8卦丨「大红」自食其力识富二代上位 被踢爆童年曾做手术雌雄莫辨
星8卦丨「一号」恃住名气贪心狂用品牌钱 苦恋「俊型」被飞赢名
星8卦丨后生仔流行轮流食鸡唔驶负责「未够秤」玩真感情正戆居仔
星8卦丨「妹妹」误信「发姣」可以搵快钱当「经理人」无到认真忘本
關鍵字
最新回应