吕良伟内地拍戏被索女缠上靠绝招保平安 公开夫妻零嗌交秘诀勿被老婆睇唔起丨独家

67岁「不老男神」吕良伟坐拥数十亿身家，近年努力研习气功，不时在网上分享回春心得，造福人群。虽然结婚23年，但仍获唔少内地进击索女「约食饭」，睇得好透的吕哥唔会畀任何机会，火速落闸，又赞老婆越嚟越靓，仲话唔值得为「执一粒芝麻冇咗个西瓜。」另外，有情有义的吕哥罕谈已故旧爱周海媚：「我哋有缘冇份，但有好多美丽回忆。」采访：方骞平 摄影：朱伟彦 场地：The Market@Hotel ICON

吕哥话自己唔系富，只系知足常乐。

吕良伟自我研发抗衰老的简单养生功夫，练到手瓜起𦟌。

好有线条。

Keep住身形嘅吕哥会拣食啲好西。

有能力嘅吕哥经常行善。

吕哥冇谂过退休。

1980年，吕良伟以剧集《上海滩》「丁力」一角一炮而红；1991年的电影《跛豪》亦成为代表作。虽然在演艺界早已上神枱，他吕哥仍自我研发抗衰老的简单养生课程，将30年来学习的武功结合气功创作出独门功夫，开班授课：「练精、气、神主要系针对五脏六腑，内练一口气外练筋骨皮，系内外兼收，而且由基础开始，男女啱用。」阿吕爆老婆练咗4年，瘦咗又靓咗，变得精神饱满；甚至有不育嘅女仕练完，生咗一子一女。

1980年吕良伟、刘丹、周润发主演嘅经典电视剧《上海滩》。

1991年，吕良伟为演出电影《跛豪》增肥60磅 。

吕良伟认为健康比财富重要，不时教导简单养生法。

吕哥内练一口气外练筋骨皮，系内外兼收。

吕哥仍自我研发抗衰老的简单养生课程。

吕哥将30年来学习的武功结合气功创作出独门功夫。

独门功夫简单易学。

67岁吕哥身手敏捷。

吕哥系不老男神。

吕哥最近爱上骑马。

67岁中佬吕良伟身形fit到漏。

吕太越来越靓。

杨小娟变索人妻。

杨小娟变得有高贵气质。

杨小娟回春有术。

澄清唔系「百亿驸马」

吕哥经历过3段婚姻，「后生唔成熟，都几自我及大男人，𠵱家明白一个家庭会以爱行先，乜都老婆话事，佢开心咪得罗，咁家庭会幸福及和谐啲，我同小娟结咗婚23年冇乜嗌交，我有个『85/15』定律，一个家庭85%责任由男人承担，由太太管理财政；事无大小听佢意见。」对于被指「百亿驸马」，当年靠老婆大翻身，吕哥理直气壮澄清：「啲人唔识我觉得系啫！佢(老婆)系多(钱)，但我都唔少呀！哈...我个心知，人哋点讲系人哋嘅事，我冇办法阻止人哋把口及思想，只能做好自己。」吕哥强调心态好强大，唔使老婆安慰：「因为我做紧乜，有冇使佢钱，佢同个仔系知㗎嘛！我个仔仲话『爹哋搵钱畀屋企；妈咪搵嘅钱系妈咪嘅。』男人个价值系乜呀？如果冇办法为屋企创立到财富，个女人都睇你唔起啦，系咪？」他又乘机解释，1997年曾被拖车系遭细佬拖累：「细佬用公司印章出车，我根本唔知情，连部车都未见过，及后已清晒尾数。」

2001年吕哥于法国娶杨小娟，贤妻全力支持老公的事业。

当时婚礼好豪华。

2001年吕哥于法国娶杨小娟。

吕良伟系周海媚初恋男友，拍拖3年后于1988年在美国登记「秘婚」。

吕良伟和首任妻子邝美云再见亦是朋友。

吕哥夫妇家住半山豪宅，中式豪宅内放满名画及古董家俬。

入门玄关位就设有古董雕花屏风。

吕良伟与杨小娟家中布置豪华。

饭厅空间十分阔落，大宴亲朋完全没问题！

屋内设有屏风、木雕、青花瓷等等，充满古典味。

半山家中的俯瞰中环的雨中美景。

刘嘉玲到吕良伟及杨小娟家中作客。

吕良伟太太和客人在家中名画前合照。

范冰冰到吕良伟及杨小娟家中作客。

执粒芝麻冇咗个西瓜

有钱又有面，吕哥直言在内地拍戏常遇诱惑：「呢啲事经常出现，自己知自己咩身分(人夫)，会守住本份，北上拍戏会带埋两个助手，远离剧组住另一边，收工就返房。」他认为畀机会人系自己嘅事，绝对唔系单向：「对方唔系傻，都会感受得到。」他自爆曾有索女约「食饭」，为打圆场装作听唔明，全面落闸：「话好多嘢做，唔得闲」吕哥认真说：「就算佢好索又如何呢？唔关我事喎，我唔系细路，会识得衡量家庭重要定去玩重要啲，值唔值得『执一粒芝麻冇咗个西瓜』，贪一时之快惹一身蚁咪好傻罗，更何况我老婆都好靓，而且越嚟越靓。娶个老婆系希望佢几时都咁开心、幸福及有自信。」吕哥坦言曾有思想出轨时候，但保证唔会有行动，唔想老婆受伤害。

两夫妇恩爱举动羡煞旁人。

吕良伟、杨小娟甜蜜拖手。

婚后吕哥都会送花𠱁老婆。

两公婆好Sweet。

两公婆形影不离。

两公婆常放闪。

吕良伟、杨小娟结咗婚23年冇乜嗌交。

好幸福呀。

两人用爱维持家庭。

吕哥畀老婆话晒事。

吕哥向老婆保证唔会出轨。

两人互相尊重来维系婚姻。

吕哥以老婆开心有自信为大前题。

两人经常拍拖四围去。

好想做导演拍另类嘢

吕哥罕谈已故旧爱周海媚，指两人有好多经历及美好回忆。「当年我哋相处得好开心，我冇做过伤害对方嘅事，只系后生时性格自我唔肯相让，变咗大家有缘冇份，及后见返面都有倾有讲，我个心好锡佢，佢系一个几乖几纯嘅女仔，亦系嗰段时间嘅最爱。」另外，吕哥坚持字典中冇退休二字：「咩叫唔使捞呀？就算有千亿身家都要做，要有存在价值，有时间有能力就多做善事。(有咩仲想做？)我未做过导演，希望有机会拍另类题材，讲下人性，而我只系演一个小角色，主力培育新人，香港有好多好演员，如《九龙城寨之围城》『城寨四子』，见佢哋好搏，做演员一定要拼搏精神；仲有黄子华喺《毒舌大状》表现都唔错。」热爱工作的吕哥暂时唔会拍剧；可有可无嘅电影角色都唔考虑。

吕良伟儿子吕善扬转眼经已21岁，𠵱家好生性又有善心。

吕哥两公婆和21岁儿子(后左)去旅行。

吕善扬好孝顺。

吕哥大赞「城寨4子」刘俊谦、林峯、张文杰及胡子彤够出色。

吕哥曾拍过TVB剧《富贵门》。