星8卦丨「忠心」嫁人被逼增肥扮丑 「高大」大男人真身暴现新婚变分居
2024-08-13 11:30 
「忠心」 以为幸福在眼前，速嫁「高大」嘅下场都好凄凉 。话说要搞掂「奶奶」都唔容易，每次「高大」带女朋友返屋企都俾「奶奶」黑面，都唔知赶走几多好女仔 。「奶奶」最锺意对住「高大」弹佢啲女朋友，「高大」又唔敢反驳，所以久而久之都唔会再畀「奶奶」知自己拍拖 。
相关阅读：星8卦丨「高大」媾错大嫂 大佬开辣条件惩罚 急娶「忠心」自救害人害己
今次突然带「忠心」返屋企仲话要娶入门，「奶奶」梗系爆炸啦，所以一直都话自己唔认呢个新抱 。「忠心」以为「奶奶」难搞啫，最估唔到系个男人完全冇帮自己出下头，仲加埋一齐虾自己。好似「忠心」好怕肥，「高大」就同佢讲锺意女人肥，叫佢最好肥十磅，「忠心」觉得肥啲有福气都ok啦，所以同佢癫到走去增磅 。不过最难顶系任何时候都唔准「忠心」化妆扮靓，连买件企理嘅衫都话发姣，想去勾佬呀，嗰种大男人完全令「忠心」觉得好难顶 ！
「忠心」一向都好注重外表，因为任何一个女人都唔想自己变丑，何况结婚之后佢哋就更加唔想畀人话黄面婆 。最近有人发现新婚无耐嘅「忠心」成日返咗阿妈屋企，两公婆好似斗紧气，而「高大」亦唔多打算氹返老婆返屋企和好咁嘅款，睇嚟呢段婚姻都系迟早完，冻过水！
其他文章：
星8卦丨「骨精」乱投资趁低吸纳蚀大本累「长发」狂接job退唔到休
星8卦丨 「漏口」天生奸妃格专撬墙脚 遇「大婆」出招败走一身蚁无人同情
星8卦丨「大红」自食其力识富二代上位 被踢爆童年曾做手术雌雄莫辨
關鍵字
最新回应