星8卦丨「骨精」乱投资趁低吸纳蚀大本累「长发」狂接job退唔到休
2024-08-06 11:30 
「长发」 一向喜欢姐姐，当初追「花旦」真系好卖力，觉得自己一条死𡃁仔追到咁红嘅姐姐系自己执到 。可惜年纪相差太大，佢系谂住行到尾，「花旦」红得滞个人变得有啲怪情绪，「长发」同佢分咗手之后就搵到钱，相反「花旦」咁多年都无乜著落，所以佢到而家都有照顾「花旦」嘅生活 。
相关阅读：星8卦丨「新贵」债主追到上公司 高层投降安排北上避麻烦
不过无人估到以为系浪子嘅「长发」最后情订于「骨精」身上。同佢之前所有女人都一样，高高瘦瘦好有气质，啱嘅年纪所以咪结婚。「骨精」 成日畀人误会好犀利，唔系点搞得掂「长发」？事实佢两个有共同兴趣，日日都做运动，可以话从来未遇过一位咁夹又啱倾嘅灵魂伴侣 。
「骨精」锺意移民，「长发」由得佢系外国买屋做民宿，又搞好多地产投资，问题系「骨精」唔识，成日听身边一个损友话买呀实赚，结果净系汇价已经蚀到佢面青。「长发」竟然一句声都唔出，叫经理人帮佢搵多啲job嚟填番条数，呢啲咪叫真爱罗 ！但「骨精」实在太多谂头 ，话既然人哋啲钱贬值就索性疯狂入货，点知越入越跌，终于连「长发」都开声，无端端令自己唔见咗一半身家，搵都未搵得切呀，所以两公婆最近有啲拗撬，希望「骨精」唔好再扮投资精明，累死老公，都几十岁，搵钱实在唔易㗎！
其他文章：
星8卦丨 「漏口」天生奸妃格专撬墙脚 遇「大婆」出招败走一身蚁无人同情
星8卦丨「大红」自食其力识富二代上位 被踢爆童年曾做手术雌雄莫辨
星8卦丨「一号」恃住名气贪心狂用品牌钱 苦恋「俊型」被飞赢名
星8卦丨后生仔流行轮流食鸡唔驶负责「未够秤」玩真感情正戆居仔
星8卦丨「妹妹」误信「发姣」可以搵快钱当「经理人」无到认真忘本
最新回应