星8卦丨「纯品」错爱「怪人」被分手 用附属咭支持靠「怪人妈」
2024-08-23 11:30 
幸福真系要自己去争取，尤其系任何一个女人，而你系又靓又叻又有学识。全人类都唔明「纯品」点解会锺意「怪人」，除咗屋企有钱读得书之外，佢真系一个自视极高，怪癖多多但又有啲才华嘅男人 。
相关阅读：星8卦丨「娇嗲」「阿仔」真心相爱结良缘 奶奶变态行径破坏夫妻关系
「纯品」死心眼锺意，就算全世界话唔对路，尤其系父母更加心痛，个女仲系出身咁好，大把男人任拣啦。「怪人」仲要恃住自己屋企有钱又有专业人士身份，所以未停过系出面媾女，「纯品」一直唔信，话系啲女人唔啱，唔怪得啲男人喎。
「怪人」 阿妈系好硬净，一早认定「纯品」系好女仔，所以话畀阿仔知呢个系自己拣选嘅新抱，叫「怪人」好好对人，仲出咗张附属卡畀「纯品」用 。后嚟「怪人」又点都唔肯定落嚟，加埋「纯品」真系做老婆人选，一啲都唔好玩，好快就畀人知「怪人」玩到成条街都知，完全唔畀面，「纯品」受到屋企压力亦被「怪人」分手，伤心咗好耐。
咁多年「纯品」张附属卡都仲系用紧，因为「怪人」阿妈太锡佢，见佢又唔系好大驶，一个月几千蚊找下啲电话费同啲杂费，当阿仔出声要cut咭，阿妈即刻闹话佢连呢啲钱到畀唔起咩 ？「纯品」终于好快就结婚，「怪人妈」亦好戥佢高兴，因为两个人好似母女咁嘅感情，仲去埋饮封咗大利是 ，价码大到「纯品」眼都红晒，感动有人咁锡自己，「怪人」而家咪当多咗个妹，反正阿妈锺意，啲钱又系佢自己搵番嚟，真系话之佢！
其他文章：
星8卦丨「高大妈」阻住阿仔拍拖出奇招 冷饭菜汁招呼「花旦」终分手
星8卦丨「忠心」嫁人被逼增肥扮丑 「高大」大男人真身暴现新婚变分居
星8卦丨「高大」媾错大嫂 大佬开辣条件惩罚 急娶「忠心」自救害人害己
星8卦丨「骨精」乱投资趁低吸纳蚀大本累「长发」狂接job退唔到休
最新回应