星8卦丨「阿宝」有大水喉射住 锺意袋现金周围派

「阿宝」性格好敦厚，除咗对自己嘅爱人比较任性，佢对身边帮自己嘅人一向好阔绰。「阿宝」出道以嚟，桃花旺盛，先有「叔叔」提出照顾，最抵死系「叔叔」为咗可以同「阿宝」海誓山盟，竟然同老婆离婚，然后打本过亿俾「阿宝」做生意。

不过「阿宝」有童年阴影，所以乜嘢交易都系用现金，「叔叔」惟有全部配合，可惜投资失利，「阿宝」艺术家脾气令「叔叔」成日同佢嘈交，久而久之感情有变。

呢个时候「独仔」乘虚而入，原来早在「阿宝」出道已经生滋猫入眼，可惜当时「靓仔」同佢爱得痴缠，「独仔」无法埋手。「独仔」屋企系富豪榜有排名，所以「阿宝」出手愈来愈疏爽，由嗰阵开始，日日出街袋住十零廿万，啱啱过年派利是，「阿宝」好豪咁人人派金牛，帮得手嘅直情收6位数红包，最重要系乜呀，全部现金，有时收嘅人都谂佢点样搬咁多现金返屋企？呢啲梗系背后大水喉「独仔」安排成间公司嘅人帮忙操作。

就算闲时开工，「阿宝」都好锺意封利是，收工夜咗，所有茶水梳化工作人员，佢都俾的士钱，有时某某生日，佢又会封生日利是，总之人人有份，佢又唔会大细超。

跟咗佢多年嘅助手，出街几乎唔驶带现金，因为老细大把，但你一定要帮佢预备廿零三十个靓靓利是封，方便「阿宝」随时可以用嚟封现金。

除咗锺意派利是，「阿宝」亦好体恤帮自己嘅工作人员，平时40蚊一个饭盒，只要同佢开工，就可以食成百蚊嘅，唔够佢就一定包底，绝对唔孤寒。因为呢份真心，所以佢近年做乜都好顺利，人缘亦愈来愈好。
 

 

【相关文章】：

星8卦丨「细眼」抢阿姐工作捱闹犯众憎被迫收皮

星8卦｜「威哥」充阔佬个个月送老婆限量包包  自己悭家特卖场执平货

星8卦｜「大眼」搞散老板头家 得罪正室被雪藏 结果要搵老衬埋单

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ