独家丨庄锶敏寄语「更生」杨明：乐观啲 半年内离婚加丧父唔觉自己惨

去年11月庄锶敏（Jacquelin）与台湾珍珠奶茶店东主Brian（杨秉逸）结束两年半婚姻，而上月28日，其拿督父亲庄宝离世，享年83岁。42岁的Jacquelin比想像中更坚强，强调唔会畀自己钻牛角尖，最重要懂得爱自己。她更寄语「更生」的杨明继续努力：「所有嘢都会过去，一定会过到嘅。」采访：方骞平 摄影：谭志光 场地：Amelia Hong Kong@ Harbour City

庄锶敏坚强面对离婚，会跟自己打气，「世界上唔系得我一个人离婚，有啲人四肢唔健全，连生存条件都冇，比我更惨。」

庄锶敏半年内经历离婚及丧父，她强调已调整心态，会爱锡自己更多，因为好多人会忽略自己感受。同时提醒自己，做任何事都唔应该赶时间，包括生B，大不了领养小孩。今年她想多拍戏，感情上反而较被动，但表明唔拒抗再发展异地情。 

庄锶敏父亲出殡。

2020年2月庄锶敏与拍拖唔够一年的Brian闪婚，并在女方山顶豪宅内签婚书。

一见面就嗌交

检视已过去的婚姻，Jacquelin坦言多方面都唔夹，解决唔到生儿育女问题，生活又多分歧：「当初我付出多啲，去台湾搵佢，豁出去乜都唔做，陪佢瞓醒就饮饮食食，返港后要keep返fit投入工作，佢留港时会怪我唔陪佢去食嘢，我哋几乎碰埋就嗌交。」另外，受疫情影响长期分隔两地，真正相处只得大半年，她唔排除性生活唔协调都系致命伤，仲自爆Brian曾诈型：「两公婆都冇乜点见啦，见到面都算(性生活)正常嘅。」

昔日情不再。

两年前Jacquelin仲系新婚期，但老公只能透过视像跟她庆生。

拍拖期间Jacquelin付出较多，经常去台湾旅行吃喝玩乐探男友，顺道睇画展。

去年11月Jacquelin喺社交网就离婚一事报平安。又称「离婚都系好来好去，冇互相伤害，算系有体面，」

Jacquelin曾停留内地工作8个月，好彩𠵱家中港两地已通关，可以Day trip上落。

Jacquelin坚持性生活唔协调导致离婚，代表段关系好脆弱。她又否认当日恨嫁累事：「系佢求婚，亦觉得佢系合适结婚人选，而且最初接触嘅佢，表现好锡我，同后期有好大分别，不过，人系有好多面嘅。」她又强调跟前夫冇钱银输送，完全经济独立。对于被离婚，Jacquelin承认有啲唔开心，但冇恨过对方：「人系我拣嘅，如果怪佢反口未肯移居香港生活，好似呃咗我而憎佢，人生会好痛苦，对方只系我人生中一个过客，佢有佢难言之隐，就算父母都未必兑现晒承诺。」对于杨明醉驾刑满出狱，Jacquelin「封口」，只希望自己身边人健康，仲安慰杨明：「所有(唔好)嘢都会过去，睇得乐观啲，个人都会好啲。」

杨明与庄思明投资7位数字嘅炖汤店受疫情影响，原有6间分店去年全线停业。

杨明2020年因为不小心驾驶被判监18天，已刑满出狱。

拍紧拖的Jacquelin去越南旅行时，穿上泳装大晒长腿。

回复单身后嘅Jacquelin搵朋友聊天，日前约埋老友曾比特茶敍。

杨明上诉期间，庄锶敏忧心忡忡陪同妹妹庄思明出入法庭。

Brian于2019年9月布吉旅行期间，突然向庄锶敏求婚，当时非常甜蜜。

《星岛头条》APP经已推出最新版本，请立即更新，浏览更精彩内容：http://www.stheadline.com/