初选案｜控方庭上播片 黄碧云曾称：会用尽宪制所有权力同手段争取五大诉求

民主派47人涉嫌参与「35+」初选，争取立法会过半否决财案被控，16人否认串谋颠覆国家政权罪受审。控方今午于西九龙裁判法院播放九龙西选举论坛片段，被告刘伟聪曾发言指「有35+就有好多嘢可以做，包括修改恶法」。黄碧云则扬言「我系会用尽宪制里面所有嘅权力同埋手段系争取五大诉求，如果否决财政预算案能够促成呢一样嘢，我哋一定会做」。审讯明续。

选举论坛中，张昆阳回应「揽炒」批评时指「揽炒已经进行，但系揽炒嘅促成绝对唔系我哋香港人民嘅错误，绝对就系中国共产党」，令香港失去独立关税区待遇，同时反问「点解我哋心态上唔可以拥抱揽炒呢？当敌人已经将我哋逼到末路，难道我哋唔能够反抗咩？揽炒系求生嘅最后一个本钱」。

岑子杰解释「揽炒」有2个意思，包括「就 系中共打到来，我宁愿同中共玉石俱焚」，以及「我主动去撩中共打交，要揽炒佢，我唔赢唔紧要，最紧要中共输」岑子杰又解答不签署「墨落无悔」声明缘由，指「嗰种夹泛民嘅感觉太重，佢好似会创造一种撕裂我唔锺意」，惟反问「社民连有边一次财政预算案系投过赞成票㗎啫？」

被冯达浚连番质问可会在议会内冲击时，黄碧云回应指「一齐冲！希望一齐赢！」引来哄堂大笑，黄碧云庭上尴尬苦笑。论坛上黄碧云面对质疑时反指「如果戴耀廷教授认为我哋九龙西需要再签呢个协议呢，我哋好乐意」。被质问「系咪一定要揽炒」时，黄碧云答道「我系会用尽宪制里面所有嘅权力同埋手段系争取五大诉求，如果否决财政预算案能够促成呢一样嘢，我哋一定会做」。

刘伟聪发言曾提到「有35+就有好多嘢可以做，包括修改恶法」，认为「有一啲人可能要留守喺后方，例如议会呢条战线，我哋希望做到嘅就系里应外合」。至于冯达浚明言「有一个共同嘅敌人就系共产党政权，打倒呢一个极权政府，打倒共产党」，更指「任何嘅情况下，我哋都必须否决财政预算案以及其他重大议案」。

何启明则曾言「我哋35+，唔系因为入到议会先团结，市民系好想我哋一齐团结入议会呀，所以点解我哋就要走出来签呢份抗争声明，当有啲人唔愿意签嘅时候，市民就用佢雪亮嘅眼睛，就用佢手上一票，咪foul走佢罗」，又指「我哋而家面对紧嘅系一个极权呀，我哋全部人都系受压迫者，呢个极权就系用更大嘅力度来到打压所有人，所以冇话分咩泛民、咩本土，我哋全部都系被压迫者，所以我哋要出嚟反抗⋯⋯一定系出来反抗到底，一定就系出来要打倒共产党」。

法庭记者：陈子豪

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ