独家丨蔡瀚亿入行10年首任剧集男一 盼出街有人叫佢角色名

蔡瀚亿（BabyJohn）首次出任男主角的ViuTV剧《大诚实家》，将于初二推出，虽然剧集非传统贺岁剧格局，但他觉得绝对适合一家人收睇。入行10年，BabyJohn坦承因疫情演出机会大减，特别珍惜第一次孭飞机会，亦因为得闲可花足两个月时间准备演出，所以剧集推出零压力，更相信因靠《晚吹-空肚讲宵夜》入屋，多了观众支持。采访：杜杜 摄影：孔子 发型:Eve Chiu 服装:ISSEY MIYAKE场地:文房Pen House

BabyJohn好希望剧集推出，大家会改口叫他角色名「阿乃」。

《大诚实家》以传销公司老板因突发原因不能讲大话做主题，并非纯喜剧，BabyJohn最初都估不到会在贺岁档推出，「系套好反覆作品，因为去到中后段情感好浓烈，讲紧人与人之间嘅关系，大话同真话间嘅矛盾，唔系嗰啲合家欢开开心心嘅剧，但的确系喜剧嚟。」不过他认为亦适合一家人睇，「套剧讲紧你同身边人关系，点样跟工作去拿捏个平衡，几适合一家人去睇，会容易消化。」

BabyJohn在《大诚实家》演绎的传销公司老板，因突发原因不能再讲大话。

BabyJohn跟《大诚实家》一班拍档，合作得相当愉快。

靠《宵夜》入屋

对于第一次孭重飞，BabyJohn反而冇增加压力，「我老婆前几日先问完我有冇压力，我又冇喎！都谂会唔会有啲无形压力，所以叫老婆帮我留意吓，呢几晚有冇发开口梦、有鼻鼾嗰啲，佢又话冇喎！同啲朋友分享，甚至导演都问我，不过，我都系咁讲，要做嘅嘢做晒，要畀力嘅时候已经畀晒。」BabyJohn表示自己少咗机会就多咗时间准备，「唔系净系我，系大家都系用咁长时间去准备，就算我几佛系同个机会主意者角色几唔同都好，都可以有充足时间同佢相处。」

BabyJohn太太亦担心他首次做男一压力大，但他却放得好开。

BabyJohn演出首部电影《狂舞派》后一直发展顺利，却因疫情令机会大减。

BabyJohn承认拍《宵夜》令自己更入屋，可能对今次剧集收视有帮助，「疫情影响我最大就系入咗屋，以前啲人话睇你咩戏认识我，𠵱家话睇《宵夜》认识我，仲会成日问我去边度食嘢，我期待迟啲新年出街时，啲人嗌我个角色名，有间食肆我成日去，仲系嗌紧我上个剧集角色『奇哥』，嗰套2017年都几尴尬，嚟紧希望佢哋叫我『阿乃』啦！」

疫情令BabyJohn演出机会大减，幸好他放开心怀主持《宵夜》而成功入屋。

BabyJohn上次令观众记得的角色，已是2017年TVB剧《荷里活有个大老千》的「舒奇」。

新网站 www.stheadline.com 已推出