独家丨胡慧冲3年冇返港阿妈一揽即喊 预告《冲游8》冬荫妹露半球

有3年几冇返港的「泰国通」胡慧冲(Roger)趁住开关，月初回港6天探望年老双亲，并提前同家人食团年饭。对于《冲游》系列拍到第八辑，Roger坦言多咗人认识，在港期间不时有观众要求合照，他承诺继续做好节目，更预告2月8日晚10点半起J2播出的《冲游8》，冬荫妹会「露半球」跟他齐齐抢fo。采访：方骞平 地场：中华小馆

胡慧冲返港即拣食粤菜，新一年食「捞粗」好意头。

在港期间食最爱嘅猪扒饭。

受疫情影响超过3年冇返香港，Roger形容感觉既亲切又陌生，一落机就急不及待去父母屋企食饭，妈妈喺楼下等候时，见到他即刻爆喊：「搞到我个心好唔安乐，揽住扫佢个头安慰佢话『乖啦，唔好喊啦！』幸好两老身体都健健康康。」他承诺之后会多回港陪伴，另外最快4月会带埋冬荫妹及冬荫哥哥出席泰国旅游局搞嘅泰国节。

Roger好锡妈妈，承诺今年会多返港相伴。

提早同家人食团年饭。

在港期间跟米雪为泰国旅游局搞嘅泰国节开会。

回港同Fans聚会

Roger的回港行短留6天，期间跟20位粉丝饭聚：「获大家嘅支持好感动，今次由机场到平日出街，认识我嘅人明显多咗，好多人同我打招呼及合照，大厦看更又畀利是鼓励我，自问非大台艺员，又唔系靓仔。最尴尬系妈妈见到我好激动咁喊，身后突然有把声话系我粉丝要求合照。」

跟20位铁粉聚会，互相交流意见。

朋友送超人礼物。

另外，《冲游泰国8》除咗有冬荫妹、「叉烧姐」邝玲玲等班底外、仲加入新成员泰国后生版冲为糊，Roger笑言，今次「索爆」嘅冬荫妹更会露半球，强调冇流鼻血：「都第八辑啦！见惯不怪喇。」

「索爆」冬荫妹喺《冲游8》「露半球」，观众有眼福。

Roger对「索爆」嘅冬荫妹露半球冇流鼻血。

冬荫妹好受欢迎。

早年Roger用一万港元，从日本网购可骑嘅超人玩具，但一直存放喺朋友公司，今次返港兴奋开箱。

「泰国通」胡慧冲抽空到九龙城行泰国街。

留港时现身潘绍聪网台节目。

 

《星岛头条》APP经已推出最新版本，请立即更新，浏览更精彩内容：http://www.stheadline.com/