罗敏庄与经理人闹翻惨遭雪藏事业停滞 直认与同期上位歌手关系疏离
2022-12-20 14:30 
罗敏庄于1995年是以歌手身分出道，当年一首《挑战者》成热门K歌，结果夺得商台叱吒乐坛流行榜颁发「生力军女歌手金奖」，金奖的得主是陈慧琳，可惜因为唱片公司大执位，再加上与经理人闹翻，结果罗敏庄的歌手梦碎！后来她去了电台做幕后，直到约满回复自由身，在昔日于TVB认识的朋友帮她穿针引线，结果顺利回到幕前。在娱乐圈工作多年的罗敏庄，今年7月与女儿陈禛移居泰国，老公陈国邦则留港工作，早前接受杨绍鸿主持的《一起走过》访问，经历过后，罗敏庄性格已经不再愤世嫉俗，对于同期歌手上位，她却停滞不前，甚至大家的关系亦逐渐疏离，她直认不爽。
【点击睇罗敏庄入行经过】：
罗敏庄在初出道与经理人闹翻而令事业停滞不前，问到是否经一事长一智？罗敏庄说：「唔关呢件事而改变，系随住慢慢成长，再睇番转头又唔系得你一个人系咁，成个世界同社会系有好多唔公平，唔守诺言同唔开心嘅嘢存在，当你睇到好多嘢，而年纪慢慢大，人变得成熟，自己就会改变。」她续说：「会变得冇咁愤世嫉俗，又唔可以话我已经好圆滑，但一定冇以前咁三尖八角，即系识得做人啲罗，冇咁易得罪人，不过后生嗰阵个个都系好易得罪人啦，边有人一出嚟好滑头？咁我又唔算系好火爆，但系叫做有个气焰，而家我过到嚟呢边，直头觉得自己好佛系，乜都冇所谓。」
对于同期歌手上位，她却停滞不前，跟他们的关系亦逐渐疏离，她直认不爽说：「绝对系，大家都唔同世界，我谂唔剩只系我，我意思喺呢行里面，一齐成长但之后唔同level，我都有听过一啲直头系讲嘢唔好嘅对待，好似话本来有歌手系一齐玩，另一个红咗，喺街撞到就扮唔识你，或者讲啲说话『你仲系咁咩』，但系我冇遇过，只系自己有呢个感觉，会觉得佢哋咁好，自己仲系坐喺后台听电话，系咪好惨呢？有自怜嘅感觉。而家睇番转头，以前细个、傻猪啫，每个人有唔同经历，有唔同去向，如果当时有成熟嘅我，会讲番畀自己听，每一个人有唔同嘅路要行，咁我行嘅路就系咁罗！」
【其他文章】：
5位拖延婚期界KOL丨马国明恋汤洛雯两年半屡被催婚 陈庭欣拍拖4年豪门梦碎？
何超莲传与内地男星窦骁3年情断 与网民互动简单两句粉碎分手传闻
天师执位｜苗侨伟曾与翁美玲及另一男星山上过夜：唔冲凉，直头妆都唔落
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应