歌神张学友自嘲屋企地位低过只龟 雷曼苦主罕有讲投资：我比较保守
2022-12-20 15:00 
歌神张学友最近接受港台节目《香港机遇》周振基访问，由入行经历讲到对香港乐坛新景象外，还罕有提到家庭生活，昔日金融海啸惨变雷曼苦主的他，更难得讲投资。兰花指一直是张学友唱歌的招牌手势，他在访问到提到手势并非创作：「其实系不知觉嘅，你叫我示范都唔知点。纯綷系紧张，只手唔知点做，其实系不自觉嘅动作，因为我个人比较闷，所以啲人见到比较特别嘅嘢就『哗』，觉得好特别。」
【点击睇张学友】：
香港乐坛气份与昔日已经大为不同，难以再出现「巨星」，学友亦有一翻见解：「成件事发展唔同咗，以前好区域性，净系喺香港，啲人又少娱乐，好易成为焦点。同埋以前啲媒介，大家搵到个目标就一齐做，好似喺中文金曲拎奖，喺劲歌、叱吒都多数有奖。后来大家各自为政，当焦点唔集中就好难做到所谓嘅明星出嚟，分得好散。」他又以打机作比喻：「而家净系打机都唔知几多百种，跟唔到，转都转唔切。」学友更自爆为防止脑部退快，也有打机：「我玩嚟玩去都系嗰几只，主要训练我个脑唔好咁快退快，例如数独嗰啲。」
昔日学友亦曾活跃影坛，他直这当日是为维持生计，后来才发成兴趣：「以前唱歌（收入）唔系好稳定，但拍戏我知拍一部收几多，例如我一年接咗七部，咁我大概计到自己收入有几多。曾经系我主要生活收入，后来演唱会机会多咗，收入有保障，变咗得闲拍吓，嗰部啱拍吓，或者有啲人情债要还就拍吓。」
2008年金融海啸引爆雷曼事件，当时有传张学友亦是苦主之一，据闻蚀逾4,000万，占一半身家。学友在访问中难得讲到投资，透露自己是保守派：「我个人比较保守，多数都系低风险，买物业唔系我主要投资，我所有嘅物业都系自用，所有冇自用嘅都卖返出去，而家所有都系自用，做仓又好、住又好、写字楼又好，自己都系买嚟用。」学友直言收租好辛苦：「个窗漏水又关你事、楼上漏水、水渠爆咗又系你去整。我个人比较冇安全感，需要好大嘅安全感。」
张学友亦在访问中罕有提到家人，更自嘲自己的地位比龟还要低：「我屋企永远都系最后一位，屋企只龟仲高级过我，我帮佢抹屎、喂佢，帮佢洗笼。第一我太太、跟住我两个女、我妈妈、只狗。（可能排第6、7？）可能再后啲，随时加多只龟或者生龟蛋。」对于两个囡囡，学友亦以朋友般相处，自言是佛系管理，绝非严父：「我主要系畀意见，接唔接受就佢哋自己，无论系衣着、谈吐、对将来看法。但我唔会逼佢哋，如果佢哋坚持，要佢哋自己承受结果。」至于家中家务，即使身为歌神亦有负责，不过就比较少煮饭：「因为煮饭系我太太好锺意煮饭。」更大赞太太手艺「咩都叻、咩都好食」，求生欲爆灯。
学友近年虽然减少工作，但继续保持最佳状态，但娱乐节目亦是为唱歌：「多数都系为咗保持状态，打波、做gym都系想keep住个状态，我最大嘅娱乐都系唱歌。」学友在90年代就开始到内地表演，见证着中国内地多年变迁，他直言变化翻天覆地，超乎想像：「以前我哋用香港想像内地，慢慢发展到呢个阶段就会发达，根本眨吓眼就超过咗。香港人都要发挥最大强项，适应力强、转数快，都系有机会。」虽然入行多年，更贵为歌神， 但他表明不敢收徒弟，怕教错人：「如果真系要学嘅，可以搵老师学基本技术，再发展落去，一定要发展自己对音乐嘅睇法，最终先会发百花齐放，有唔同音乐出嚟。」
【其他阅读】：
何超莲传与内地男星窦骁3年情断 与网民互动简单两句粉碎分手传闻
东张西望丨内地单亲妈为公屋加名波折重重 港夫等到癌逝妻控诉房署冇酌情处理
Angelababy贴运动照露纤腰暗示没确诊 大特写惊见额角头发稀疏有后移迹象
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应