Juicy叮｜酒楼饮茶唔饮第一壶 网民热议一大用途及洗茶叶原因

不少人喜欢到酒楼饮茶。有网民日前在网上发文，提到有卖茶叶的朋友每次到酒楼饮茶时，会倒光第一壶茶，因此好奇询问「其实啲茶叶系咪真系咁污糟呢？」相关帖文随即引起热议，并列出第一壶茶的一般用途及需要洗茶叶原因。

该名网民日前在亲子王国讨论区以「去酒楼饮茶你哋会洗茶叶吗？」为题发文，提到有卖茶叶的朋友到酒楼饮茶时，「每次都一定会将第一壶冲出嚟嘅茶倒晒」，若遇到酒楼提供的倒水碗不够大，「要自己攞去倒」，并指部分酒楼会提供茶包，「冲得一两壶都已经淡晒」，好奇询问「其实啲茶叶系咪真系咁污糟呢？」

楼主指，卖茶叶的朋友每次到酒楼饮茶时，亦会倒光第一壶荼。资料图片

相关帖文随即引起热议，不少人亦表示有洗茶叶的习惯，「系，第一壶啲水不要」、「我有呀！」、「我系，第一壶不要」、「会！细时同父母去饮茶佢哋都会咁做！」等，有人则指「我曾经见过有侍应将第1泡倒1次」、「唔系茶楼问题，只要系自己攞茶叶冲都会，屋企都会」。

有人则解释指，「茶叶好多尘，仲有农药，头一壶水唔要，一定要洗下先」、「习惯会洗杯碗筷子，会用茶嚟洗，一嚟如果佢洗得唔乾净，茶可以去油，二嚟可以顺便唔要第1泡，喺屋企自己冲都会唔要第1泡」、「第一壶茶用嚟洗碗洗筷子」、「头浸茶会唔要，用来洗碗杯碟」、「一定用来洗碗、洗杯、洗筷子先，多年前学过茶艺，第一泡洗茶杯」等。

另有人则指出，「通常用茶洗枱面餐具，顺便洗埋茶，酒楼订茶叶，系一堆咁订返嚟，见过放喺地上半个人咁高，期间有冇鼠蚁小强就天知」、「茶叶唔会专登洗，老实讲出街食饭一定污糟，再讲啲食物例如菜嗰啲酒楼边得闲同你洗，啲食材跌咗落地咪又执返起唔会掉或冲一冲」。

帖文来源：亲子王国

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgY