Edan凌晨撰长文称无悔拍《I SWIM》角色冲动形容为「ViuTV吴卓羲」

2022-07-24 13:45

由吕爵安（Edan）、魏浚笙（Jeffrey）、袁澄林及吴海昕等主演、冯志强执导的ViuTV剧集《I SWIM》，前晚（22日）播出大结局，但却被不少观众及网民批评结局「烂尾」及「太胶」，由于群情汹涌，冯志强也在社交网留言声言会检讨。在剧中饰冲动好胜「李马荣」的Edan，今早凌晨在红馆彩排完MIRROR演唱会后，终在社交网撰长文分享感受。

今次角色一改以往搞笑形象，是严肃、好胜和冲动。

一众男演员为此剧操fit身型及游水。

Edan本身不擅游水。

「如果担心就唔试，我乜都唔洗做」

Edan长文谓：「有人问我，你会唔会好失望啊？真心嗰句，我自己真系冇嘅，反而好兴幸自己有参与其中。拍摄嘅过程固（故）然学到好多嘢，但原来一个作品出街，睇返整个作品，再睇返自己嘅表现，同观众嘅意见，系会再令自己学到更多嘢，令自己有所成长，而哩啲经验，就系可以比（俾）你用喺之后嘅演出，之后嘅作品上。

今次李马荣哩个角色，的确唔系自己做开嘅类型。当初做嘅时候，都好担心自己会唔会太死咕咕，会唔会净系演到个角色好死好唔自然，另一方面，又担心大家会唔会睇唔惯，会唔会唔相信哩个角色，会唔会唔锺意哩个角色。

但系如果我因为惊就唔试，我就永远都冇机会做其他类型嘅角色，大家就永远都睇唔惯我做其他性格嘅角色，如果我因为担心就唔试，咁其实……我乜都唔洗做㗎啦，上台表演都担心㗎，咁系咪唔做啊？

唔做，就唔会知自己有咩做得唔好，就唔会知自己有咩需要进步
可能有人今次睇唔惯，但经过今次之后，可能你就会睇得惯呢
可能今次做得未够好，但经过今次之后，下次咪可以做好啲罗
所以，一定要做……

其实有意见先会有进步，盲撑系唔好，但盲_亦都唔好，所以我哋系好欢迎啲客观建设性嘅意见。唔怕老实讲，我自己有时睇到啲负评都好confuse（疑惑），话我唔紧要啊，讲得啱嘅我会听，然后尽力改。但有时我分唔到啲负评系因为本身唔锺意我定点，搞到我都唔知take唔take好，不过都系嗰句，姐系要再做好啲罗。

有讨论其实真系一件好事，有人讲好过冇人讲。但我觉最紧要系大家要继续支持香港嘅创作同制作（唔止系剧集啦）。成日问点解外国嘅好咁多，喂大佬人哋多咁多资源，多咁多人才，多咁多support。你几可听到一个后生仔话大个想做导演想做编剧？所以大家_嘅同时，都要继续大大力支持，咁件事先会越嚟越好觉得有问题有唔好嘅就比（俾）意见，希望佢下次变好！

讲完，冲凉瞓觉！多谢iSwim，多谢导演，多谢所有台前幕后，多谢有睇有讨论嘅每一位，多谢李马荣（Viutv吴卓羲），哩段旅程好难忘，希望大家可以继续支持香港嘅作品，亦希望大家下一次又可以见到一个唔同咗嘅Edan啦！」

当中Edan亦指其实幕后团队比演员更辛苦，形容他们是付出200%的心血及200%的力在此作品上，他亦赞导演冯志强是用爱去投入拍摄。