I SWIM丨Jeffrey贴剧照回味同Angela萤幕初吻 Evelyn转发堪称史上最大方女友

2022-07-21 19:30

ViuTV剧集《I SWIM》仲有两集就大结局，昨晚（20日）播出的第8集，饰演情侣的余浪冲（Jeffrey魏浚笙饰）及施咏（Angela袁澧林饰）浪漫锡锡，甜到爆炸。Jeffrey昨晚在社交网贴出与袁澧林的剧照，留言：「甜蜜的时刻，记录低我的萤幕初吻。我的施咏。」网民见到都留言问佢怕唔怕经理人兼女友Evelyn呷醋，而剧中女友袁澧林亦留言表示：「I love little pie 」，难得Jeffrey女友亦大方留言：「love you too ， you two just way too cute and sweet （我都爱你，你俩太可爱甜蜜了）」。

Jeffrey上载同Angela锡锡嘅剧照。

Evelyn仲转发男友锡Angela嘅剧照做IG Story，兼留言：「太可爱了，余浪冲和施咏，是青葱是初恋。」仲有三个人面心心emoji，睇嚟佢见到男友嘅萤幕初吻都好兴奋。而Angela亦有出PO，仲大爆在同一场戏中客串演天才学生的梁业（肥仔），听到余浪冲弹琴后流眼泪嗰幕系真喊。

Jeffrey转发男友嘅PO，仲留人面心心 Emoji。

女友兼经理人都几大方。

Jeffrey与女友Evelyn拍拖6年，感情好稳定。

Angela公开拍摄花絮。

寻晚Angela访问天才学生肥仔，肥仔一听Angela嘅曲即刻弹返出嚟。

睇佢弹得几陶醉。

Jeffrey突然坐低弹钢琴。

肥仔唔知系感动定点突然流眼泪。

另外，周一（25日）播出的一集，讲到启贤中学到冠中书院比赛，期间饰该校学生的林家熙（Locker）为打击启贤士气，用手推车撞伤黄亚乐（Stanley邱士缙饰），其后李马荣（Edan吕爵安饰）发火与Locker理论，Locker 反驳：「系佢自己整亲。」Stanley昨日在社交网贴出花絮剧照，相中见到Edan双脚踩住Stanley的右脚至反转，网民留言爆笑指：「原来真正凶手系李马荣。」Locker即留言为自己平反︰「都话咗㗎啦！」至于Edan亦都忍唔住笑言︰「双脚齐踩！」并再转发贴文写道：「笑死，太激动一嘢踩咗落去。」Stanley则回覆他说︰「邱士缙本人要收取汤药费。」