MIRROR演唱会主题曲《WE ARE》发放正能量全员放低偶包无惧黑图

2022-07-23 21:00

MIRROR一连12场的演唱会，下周一（25日）便开锣，并乘势推出演唱会主题曲《WE ARE》。MV中，12子化身银河宇宙守护队，玩到癫零偶包，懒理大量黑图涌现。

Anson Lo（卢瀚霆）一听黑图即表示不介意：「因为平时都大把黑图！」姜涛也说：「我哋平时都会Post大家嘅黑图。」Anson Lo也认同，更说：「就算我哋以往嘅MV，睇落冇黑图，但其实喺某啲位嘅0.1秒突然pause，我哋啲跳舞样都会变咗黑图。」姜涛即想起自己的「杰作」，指着Anson Lo笑言：「最终极系我Post你演唱会嗰张，尸骨分离。」Anson Lo回想起也大笑说：「所以我哋已经惯咗，呢个系我哋嘅传统，有别于对上几次偏向型格男团风嘅团歌。」

姜涛一向百厌，自己都Post 黑图相。

齐齐化身银河宇宙守护队员。

一齐玩到癫晒。

真系「瞓」身演出。

虽说放低偶包，但姜涛仍大赞Anson Lo，叫大家留意MV当中细节，说：「今次系第一次大家都咁癫，《Ignited》、《Boss》都冇咁疯狂，不过呢个MV最劲系Anson Lo个头点揈个荫都唔会郁！」Anson Lo听罢也自豪道：「我系Spray王，ok？」

除推介新歌，队长Lokman（杨乐文）率先提醒大家入场睇演唱会的备忘：「背好晒歌词，听多几次我哋嘅歌，顺手撑一下Hit Rate。」AK（江𤒹生）则温馨提示：「带多个口罩，因为跟住我哋跳舞会湿晒，另外我哋劲歌热舞跳到湿晒呢，大家都会好兴奋，都会出晒汗跟住湿晒喇，所以要带定毛巾抹汗。」Jeremy（李骏杰）提大家要带飞，Ian（陈卓贤）则道：「去定Toilet，因为冇厕所位。」AK听到即强调：「特别唔好拣佢唱时去厕所呀！」