《I SWIM》被狠批导演冯志强出Po回应 网民斥唔知衰乜求放过演员

由吕爵安（Edan）、魏浚笙（Jeffrey）、吴海昕，袁澧林等主演的ViuTV剧集《I SWIM》，昨晚（22日）播出大结局，网民对于剧集的评价明显反应两极，有网民表示本身就只想睇靓仔靓女，剧情如何并不关心，但亦有网民批评剧情不合理又老土，心疼演员辛苦拍摄，戥他们的付出感到不值。

 

有网民觉得本身都系为睇靓仔，对剧情不太关心。

 

对于事前对剧集充满信心的导演兼编剧冯志强，早前放风会开拍《I SWIM》电影版，都被网民力劝收手。冯志强面对批评，昨晚（22日）凌晨于IG打长文回应，表示知道网民对于剧集反应好两极，更有朋友劝他不要出现在结局后开的facebook Live中，免得引网民不满。但最后他亦如常现身facebook Live中，他表示：「我从来无谂过唔出现，一来我只系普通人唔会有咁嘅影响力， 二来我好想陪住班演员完成埋《I SWIM》呢趟旅程嘅结尾，我亦相信及有信心香港观众都系理性讨论。」

 

《I SWIM》被狠批，导演冯志强（右下）无惧吸嬲嬲，照常现身FB Live。

 

个Live一路开，网民就一路留言批评。

 

面对批评冯志强亦虚心接受，表示会积极注意同检讨，「我知道反应好两极，有啲疯狂咁锺意，又叫又笑又喊，有啲系另一种极端，刀片、恶语都有。世界好大，疫情、战争、天灾人祸，《I SWIM》能够喺短短两星期得到大家嘅关注同讨论，有一个渠道畀大家享受、打气或宣泄，都系我哋嘅一种福气。」又指剧集播出得到好多久未联络的朋友、前辈的鼓励及支持，「好多同行、导演、监制问我入面啲演员叫咩名？戏好唔好？ 佢哋未必讲得出演员全名，但都会叫佢哋嘅角色名，呢类讯息超过大半，好感恩同行嘅比面。」又希望各位导演可以留意剧中的新演员及幕后团队，给他们更多机会。

 

《I SWIM》导演兼编剧冯志强于IG回应剧集播毕的感想。

 

演员留言撑导演。

 

男主角Edan表示拍《I SWIM》感到获益良多。

 

网民对于《I SWIM》亦是实话实说，好多网民都打成百字留言讲意见，可见真心希望剧组改善，未来可看到更好的作品。有网民大赞演员表现出色又有观众缘，正因此观众才忍受到剧情的不合理，睇晒十集，同时为这班努力的新生代不值。亦知道台前幕后一定付出了很大的努力，但剧情的确是败笔，「好可惜因为一个唔合逻辑、冇起承转合、内容欠奉嘅剧本破坏咗所有人嘅功劳，我系为佢哋不值同难过。」同时亦似乎对于导演冯志强指部份网民的负面反应称为「刀片」、「恶语」而不满，「边一方面做得好观众有眼去睇，懂得思考唔会胡乱批评，如果今次做得唔够好，坦诚去认去改善就可以，唔系将评语同意见讲成针对的恶言。」又力劝导演如果真的开拍电影版，应透过大家的真实评价再调节剧本。

 

网民希望剧组作出改善，将来做得更好。

 

网民打好多字讲意见，真系诚意十足。

 

不过亦有网民持相反意见，「请不要开电影版了，因为睇起上嚟，导演同团队，都未知自己今次衰喺边度」、「辛苦你，但请放过演员们佢哋努力练水并唔系为咗被你多馀又不济嘅剧情毁于一旦。见到只仔一直操练、赶头赶命、捱到瘦晒，但最后套戏系咁样嘅质素真系劲痛心。请放过佢哋。」

 

有网民希望真系唔好开拍电影版。

 

有网民戥啲演员唔抵。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ