陈冠希懒理北京潮铺执笠 日本睇美斯踢波兴奋开直播

由41岁陈冠希（Edison）主理的时装品牌CLOT和店铺JUICE遍布香港、中国、台湾及美国，Son哥更曾豪言要在内地开设100间分店，不过，最近有消息指JUICE位于北京三里屯的店铺已关门，同时亦盛传成都店铺守唔住，从其官网可见，全中国只馀3间JUICE，分别位于上海、成都及广州。

JUICE在内地剩返三间铺。

 

对于店铺执笠，陈冠希明显唔当一回事，身处日本嘅佢仲带埋女友及囡囡去睇波。本周三，巴黎圣日耳门在东京与川崎前锋进行季前热身赛，当日巴黎圣日耳门仲强阵出击，三叉戟美斯、尼马、安巴比，以及中坚沙治奥拉莫斯悉数担正，难怪陈冠希咁兴奋，开场前仲开直播大讲自己感受，又话好耐冇睇过足球比赛，讲讲吓可能发现自己个样唔多精神，拿拿临戴返太阳眼镜，仲叫囡囡Alaia同网友打招呼，小妹妹仲兴奋过老窦，讲唔停仲要用手遮住老窦个样。但成个直播重点系，留言嘅九成都系内地网友，不断叫佢冠希哥，又问佢在干嘛？当然Son哥完全无回应。
 

一家三口去睇波。

开波前开直播。

都系戴返副超先。

囡囡系咁遮住老窦个样。

小妹妹好活泼系咁搞老窦。

遮唔停，老窦都无佢办法。

愈大愈似老窦。

冠希哥喺内地好多FANS。

三叉戟美斯、安巴比及尼马。

尼马同队友在东京取景影相。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ