黄夏蕙紧张上头炷香有原因被误会博见报自爆有钱过祥嫂

2022-07-24 07:00

89岁黄夏蕙将于8月11日飞往美国，外出走走兼进行巡回演唱。她接受港台《旧日的足迹》访问时，表示希望赶到返港上头炷香，否则就会去美国三藩市的黄大仙供奉，笑言好期待扮兔仔，跟美国那些穿短裙、戴头箍的兔女郎一样作性感打扮。

夏蕙姨解释她每年必定去上头炷香是因为迷信，「初时我哋四个好朋友，司徒关佩英、邓碧云同凤凰女会去，祥嫂（洪金梅）偶然都会到。有一年司徒关佩英冇去，嗰一年佢自杀；又有一年邓碧云入医院，结果冇去，又出事；凤凰女去咗美国冇去到嗰年，又传嚟噩耗；嗰一年祥哥祥嫂有去，但系第二年冇去，又出现家变。我好惊好惊，每一年佢哋唔去，我都一定要去。」

黄夏蕙接受车淑梅访问。

夏蕙BB话好期待明年扮兔女郎。

黄夏蕙将同现任老公潘炳烈一齐返美国。

夏蕙姨系著名嘅「头炷香KOL」。

夏蕙姨上一次去美国是2019年，甫下机便接获祥嫂入院继而离世的消息，她谓当时不能置信。她忆述祥嫂17岁时两人便认识，形容对方为完美女性，事事以家庭为重。「嗰阵时祥哥日日都要食燕窝，佢亲自拣得好乾净。祥哥食完，佢用啲水捞一吓煲底就自己饮。」祥嫂家变，夏蕙嫂经常陪伴左右，却被指博出位、博见报，夏蕙姨笑说：「而家我都冇后悔帮佢，我哋系好姊妹。当时啲人话祥嫂嘅身家一定畀晒黄夏蕙，哈哈！其实我仲有钱过佢，嗰阵我老公胡百全一个月畀我10万蚊生活费。」

难忘派避孕袋畀年青人

夏蕙姨是个玩得之人，现时多被人昵称做夏蕙 BB。「我唔知大家几时改口叫我做BB，又叫我做女神。可能佢哋觉得我幼稚啩！我去派避孕袋，啲年青人好惊，我鼓励佢哋攞一个，保护自己，唔用就送畀爸爸，哗！结果反应好好，个个都嘻嘻哈哈同我影相，其实派避孕袋同派米都差唔多。有一次我话去参选区议员，其实我系想人哋听到我嘅声音。而家啲方舱医院造得咁靓咁好，点解唔用嚟畀啲老人家住？好多老人院好逼，（病毒容易）一个传一个，希望超哥特首（李家超）畀啲老人入住方舱医院。我嘅最大心愿都系有一间老人院，生养死葬一条龙服务。不过而家十划都冇一撇，因为（社会）呢三年嚟都民不聊生。」

黄夏蕙跟已故祥嫂（后排左一）和已故邓碧云（前排右一）系十多年朋友。

祥嫂当年家变，夏蕙姨陪伴左右。

夏蕙姨是次美国之行也为与儿孙共聚天伦。她与前夫胡百全育有四子两女，坦言当年全无社交活动，及至胡百全离世，她才偶尔去看赛车。香港赛车之父潘炳烈后来成为她的丈夫。「我同佢系世交，我欣赏佢能人所不能，落到赛场可以由头带到尾。佢都离过婚两次，后来我哋决定一齐去美国居留，所以我就结婚。」她感慨这次离开香港最不舍的是跟朋友的感情：「希望大家都健康快乐，得饶人处且饶人，记得种瓜得瓜、种豆得豆，唔好伤害人。希望世界和平，因为如果我可以风花雪月，人家就凄凄凉凉，个心点过意得去？」