独家丨黄夏蕙唔担心一去不返:拜拜香港有缘再会 坐小轮游维港爆移民原因

2022-07-22 02:00
89岁嘅黄夏蕙坐小轮游维港,同香港讲再见。
89岁嘅黄夏蕙坐小轮游维港,同香港讲再见。

「头炷香KOL」黄夏蕙(夏蕙BB)将于下月11日随老伴潘炳烈移民美国,跟家人共享天伦之乐。临别秋波,夏蕙BB带《头条日报》记者坐天星小轮重拾当年回忆。一脸不舍的夏蕙BB全程表现感触:「呢几十年间,香港呢个『东方之珠』带畀我嘅幸福生活,拜拜喇,有缘再会!」离别前,她寄语香港人要努力加油,保持身体健康,明天会更好。采访:方骞平 摄影:沈健程

夏蕙BB向港人挥手讲再见,并澄清只系89岁,未到9字头。
夏蕙BB向港人挥手讲再见,并澄清只系89岁,未到9字头。
黄夏蕙大赞香港好值得留恋。
黄夏蕙大赞香港好值得留恋。

当日黄夏蕙身穿黑色短裙仔,脚踏松糕鞋喺天星码头周围行搵位影相,表现活跃完全唔似91岁嘅老人家。夏蕙BB指各大传媒都「炒晒车」,她透过本报作出「澄清」:「我系1933年香港出生,肖鸡,𠵱家只系89岁。」

夏蕙BB喺天星码头周围行搵位影相。
夏蕙BB喺天星码头周围行搵位影相。

如同巨星出巡受欢迎

可能日前出Po宣布快将离港,当日夏蕙BB所到之处,均深受大人细路欢迎,如同巨星出巡,途人均叮嘱她要保重,𠱁得夏蕙BB不知几欢喜,有求必应玩selfie,仲叫人违规除口罩影相会好睇啲。见到途人影嘅相好靓,夏蕙BB更大方畀电话号码途人用作回图。唔少人话「锺意佢靓」、「唔舍得冇咗佢上头炷香」、途人谢先生更上前同BB抱抱说:「我锺意佢够亲切。」

黄夏蕙深受大人细路欢迎,个个埋身求合照。
黄夏蕙深受大人细路欢迎,个个埋身求合照。
夏蕙BB所到之处都被围,个个举手机同佢影相。
夏蕙BB所到之处都被围,个个举手机同佢影相。
男途人谢先生跟夏蕙BB情深拥抱,表示有缘再会。
男途人谢先生跟夏蕙BB情深拥抱,表示有缘再会。
以往大年初一凌晨,黄夏蕙都悉心打扮去黄大仙祠上头炷香,是著名的「头炷香KOL」。
以往大年初一凌晨,黄夏蕙都悉心打扮去黄大仙祠上头炷香,是著名的「头炷香KOL」。

之后BB就行去帮衬软雪糕车,品尝人生第一杯及离港前最后一杯嘅软雪糕,雪糕车哥哥用心为她炮制一杯「完美6圈半雪糕」,更表示夏蕙BB带咗好多欢乐畀香港人,「真系唔舍得你呀。」舔著融化中嘅雪糕,夏蕙BB个心亦被融化:「杯雪糕好靓、好好食、好细腻。」

雪糕车哥哥为黄夏蕙炮制一杯「完美6圈半雪糕」。
雪糕车哥哥为黄夏蕙炮制一杯「完美6圈半雪糕」。

遗憾创立老人院受阻

黄夏蕙好爱香港但坚持要走:「屋企四代同堂,要返去见吓啲曾孙,唔知适唔适应新生活㗎!Plan咗先去登台9个月,再环游世界relax吓,开心咪留耐啲罗。」在旁嘅经理人Simon踢爆BB适应力低,最长一次去咗美国4个月就喊住要走。

黄夏蕙跟胡百全育有7名子女。有么女胡云妮(右二)、长女胡莲娜(右三)、长子胡礼贤(左二)、么子胡礼智(左一)、黄夏蕙(前排左一)及胡百全(前排中)。
黄夏蕙跟胡百全育有7名子女。有么女胡云妮(右二)、长女胡莲娜(右三)、长子胡礼贤(左二)、么子胡礼智(左一)、黄夏蕙(前排左一)及胡百全(前排中)。
夏蕙BB跟香港前「车神」老公潘炳烈系恩爱夫妻。
夏蕙BB跟香港前「车神」老公潘炳烈系恩爱夫妻。

问到BB点解要走?她爆出一直收埋喺心嘅必走理由:「睇见几十年嘅老友洪金梅(祥嫂)、邓碧云、凤凰女、李香琴、谭炳文、司徒关佩英等陆续离开,身边冇晒真正知己,得返自己一个好惨,感觉好孤独想行开吓,但我唔会因为咁样厌世,反而更珍惜短暂嘅生命做啲嘢去帮人,自己好幸福,不过有好多老人家冇钱入住老人院,流离失所…最遗憾受疫情影响,名下慈善基金创立老人院计划受阻,离港后要交由契仔接手处理。」

黄夏蕙跟已故祥嫂(后排左一)和已故邓碧云(前排右一)系十多年朋友,(前排右二)是已故祥哥。
黄夏蕙跟已故祥嫂(后排左一)和已故邓碧云(前排右一)系十多年朋友,(前排右二)是已故祥哥。

全球有朋友为她扶灵

今次一别,黄夏蕙冇担心过会一去不返,她毫不避忌说:「呢啲唔到你谂,总之生前开心,将一切嘢搞掂哂就冇遗憾,我四海之内皆兄弟,唔怕冇人扶灵,就算喺香港走,骨灰都会送返去三藩市阿女度,放埋喺祥嫂灵位隔篱,但我唔想咁早(走)。」最后她说:「香港带畀我全部系美好嘅片段,香港拜拜喇,有缘再会!」

年前夏蕙BB为独居长者筹款唔避忌,换上闪石寿衣瞓入百几万嘅闪石棺木内。
年前夏蕙BB为独居长者筹款唔避忌,换上闪石寿衣瞓入百几万嘅闪石棺木内。
凝望维港两岸,89岁嘅黄夏蕙好感慨。
凝望维港两岸,89岁嘅黄夏蕙好感慨。
同辈年纪嘅朋友相继离世,黄夏蕙每次都会去吊唁,唔介意被嘲做「殡仪之星」。
同辈年纪嘅朋友相继离世,黄夏蕙每次都会去吊唁,唔介意被嘲做「殡仪之星」。

星岛新闻集团庆回归25周年专题网站,请即浏览

立即下载 | 全新《星岛头条》APP : https://bit.ly/3yLrgYZ

 

關鍵字

最新回应

關鍵字

相關新聞

热门文章