关心妍为下月红馆个唱最后彩排 老公担任「卫生组组长」帮手消毒

入行经已20年的关心妍（Jade）将于6月4日及5日在红馆举行《关心妍“约”20周年演唱会2022》，目前关心妍紧密进行彩排，Jade表示已准备就绪，但骚期迫近难免有啲紧张：「因为时间唔多，所以彩排都唔系好多次，唯有次次排歌都当开骚咁做，真系好刺激啊！而囡囡心心上台表演呢一Part终于有啲眉目，因为我搵朋友借咗啲瑜珈垫，咁就可以完成佢嘅梦想喺台上打筋斗。」

 

关心妍彩排时唱得好投入。

 

当正系开骚咁唱。

 

近日Fans不停网上留言估嘉宾，更提议不同的歌曲点唱，Jade就话难满足大家：「嘉宾唔会太多嘅，总之有男有女啦，因为我个骚想自己唱。我估到时Fans会喺位度嗌出嚟点唱，但系我都会尽量睇时间，唔会畀个骚超时嘅，因为唔系有好多钱，唔好搞到主办畀人罚钱啦 。」

 

关心妍好重视今次演出。

 

关心妍囡囡心心会喺台上表演打筋斗。

 

虽然疫情缓和，但关心妍仍不敢掉以轻心，用最高防疫规格作准备：「因为我哋要对观众负责，𠵱家真系好惊自己病，所以都谢绝晒所有探班、打气，而老公杨长智每日都会去我所到之处消毒、摆晒消毒机，佢系呢个骚嘅卫生组组长，有佢喺度我都好放心。」

 

老公担任「卫生组组长」帮手消毒。

 

关心妍相当期待《关心妍“约”20周年演唱会2022》。

 

更多新冠疫情资讯，请到以下专页浏览(按此)  

立即下载 | 全新《星岛头条》APP : https://bit.ly/3yLrgYZ