许贤听到嗌「MC」作状冲前想攞奖网民狂Hashtag关心贤

2022-04-25 22:00

2009年《十大劲歌金曲颁奖典礼》中的抢奖事件是香港人的集体回忆，当年关心妍听错自己有奖攞，但全场同家庭观众都听到得奖嘅系关菊英，场面非常尴尬，连关心妍都尴尬到喊，但她多年后表示不介意大家重提事件，连她也曾以此事自嘲，非常大方。想不到昨晚（24日）举行的《CHILL CLUB推介榜年度推介21/22》颁奖礼中，都疑似差点重演「关家姐事件」。

呢一幕咁多年后睇相都好似有声咁……

许贤（右）以组合MC $oHo & KidNey入围新人奖。

话说昨晚颁发新人奖时，一众新人平排站于台上等待主持骆振伟（Thor）宣布得奖者。昨晚许贤以组合MC $oHo & KidNey入围新人奖，当Thor说出：「年度新人金奖就系……MC……」许贤未听晒就玩嘢扮想冲出去领奖，连身旁的兄弟苏致豪都陪佢癫一齐行前几步，但当听到Thor最后表示：「张天赋。」二人就退回原位，一旁的其他新人一度以为许贤认真，都拉住他免得造成尴尬场面，但大家好快就知佢玩嘢，大家笑成一团，就连远处的Edan（吕爵安）、肥仔（梁业）睇见都笑埋一份。

一众新人排排站。

由现场观众拍下角度可见，许贤听到「MC」踏前几步纯粹玩嘢。

旁边啲新人都吓一吓，之后一齐笑。

Edan同肥仔都笑得好开心。

但由于节目直播时，没有拍到全画面，大家只看到许贤听到「MC」时一度走上前，于是有网民以为许贤真系差啲变「关心贤」，更纷纷走到其IG留言Hashtag「关心贤」，就连One Promise鼓手冯卓然（Anton）似乎都误会咗：「（嗌）MC嗰阵时你哋行出去，笑咗出嚟😂😂」。至于同许贤好Friend嘅游学修都有关注事件，佢当然知道好友玩嘢啦，不过佢就惊讶：「见到好多人以为关心贤系真心觉得自己赢MC。」