张敬轩诚实食评有赞有弹 遮遮煲鸡脚汤似洗镬水

2022-05-23 20:00

遮遮今次啲餸抵赞,但个汤出事!
遮遮今次啲餸抵赞,但个汤出事!

张敬轩近日忙于开红馆骚,日前更在台上大呻呢排工人姐姐(遮遮)日日都煲粥佢食,「我忍唔住同『遮遮』讲,我系开演唱会,唔系照肠镜呀!」由于轩仔成日都于IG分享遮遮啲「创意料理」,仲搞到嘉宾之一的汤令山(Gareth.T)都送两本食谱畀轩仔,叫佢转交畀遮遮。

 

 

轩仔近日忙于开骚。
轩仔近日忙于开骚。

 

Gareth.T送咗两本食谱畀轩仔,叫佢转交畀遮遮。
Gareth.T送咗两本食谱畀轩仔,叫佢转交畀遮遮。

 

遮遮成日煮好多「创意料理」,令轩仔哭笑不得。
遮遮成日煮好多「创意料理」,令轩仔哭笑不得。

 

唔知遮遮系咪真系有跟Gareth.T啲食谱煮嘢畀轩仔食,昨日(22日)轩仔于IG限时动态分享两餸一汤,都大赞两个餸有进步,「今日呢个蘑菇甘笋炆鸡,系整得OK嘅,香口嘅!」而上次轩仔话遮遮将芥兰头扮西兰花,今次亦有改善,买到真嘅西兰花,「今次啲西兰花系真,呢个虾都新鲜好食,有镬气,至于呢个汤呢……」冇错,遮遮今次都唔意外地,有失手!轩仔起初形容唔到碗鸡脚汤嘅味道,饮多一啖佢终于讲得出:「好似啲滚水摊冻咗,呀…唔系,应该话…好似炒完呢一碟餸(西兰花炒虾球)之后,个镬摆咗落锌盘度,沟咗水之后,嗰啲好似洗镬水咁样。」而且啲鸡脚仲有少少粉红色,轩仔就质疑未熟晒!睇嚟下次大家送食谱畀遮遮,要买教煲汤嗰啲嘞!

 

呢个两餸一汤卖相见得人。
呢个两餸一汤卖相见得人。

 

蘑菇甘笋炆鸡,轩仔收货。
蘑菇甘笋炆鸡,轩仔收货。

 

西兰花炒虾球,今次真系用西兰花,轩仔觉得感恩。
西兰花炒虾球,今次真系用西兰花,轩仔觉得感恩。

 

轩仔之前话遮遮用芥兰头扮西兰花。
轩仔之前话遮遮用芥兰头扮西兰花。

 

呢个汤…轩仔都难以形容。
呢个汤…轩仔都难以形容。

 

轩仔话好似洗镬水咁样。
轩仔话好似洗镬水咁样。

 

仲话啲鸡脚有少少粉红色,轩仔质疑未熟晒!
仲话啲鸡脚有少少粉红色,轩仔质疑未熟晒!

 

更多最新疫情资讯,请到以下专页浏览 按此

立即下载 | 全新《星岛头条》APP : https://bit.ly/3yLrgYZ 

關鍵字

最新回应

關鍵字

相關新聞

热门文章

You are currently at: std.stheadline.com
Skip This Ads
close ad
close ad