关心妍重提攞错奖瘀事自觉坚强 入行20年望开红馆四面台圆梦

关心妍（Jade）作客TVB娱乐新闻台节目《Star Talk》专访，透露今年入行20周年，将推出实体专辑及计划在红馆举行演唱会庆祝。Jade感性谓虽然现在很多人听歌都是透过手机，但她还是希望推出实体专辑：「始终我觉得要揸住只碟，望住里面啲相同内容，先感受到成个Concept同埋想带出嚟嘅Energy。今次只碟叫《Emergency》，系有由困局里面跳出嚟嘅Meaning。」为了让实体专辑更具纪念价值及意义，Jade除了在大碟名称中暗藏「19＋1」这组数字密码，还花了很多心思在造型照上：「差唔多每只歌都有一个造型，所以花咗好长时间搭景。」

关心妍接受许文轩访问。

碟入面每个造型都好靓好有心思。

Jade又指其中一首歌曲《那些伤我也有过》，歌词对她来说更是别具意义：「佢哋（创作团队）话有边个失恋冇听过关心妍嘅歌吖？只不过我哋都长大喇，嗰啲痛都已经离开咗喇。所以听到歌词嗰刻，我自己都眼湿湿，原来我已经接受咗往日嘅笑骂同难过。」Jade透露听回以往作品，也笑问自己当年「做咩咁惨」，并坦言那些都是真经历：「我都经历过嗰啲情伤，因为件事要真先打动到人。我嗰时虽然未必唱啲好正面嘅歌，但系我唱啲好Sad好明白大家嘅歌，其实就好似我陪伴紧你咁。」
Jade说著更大方提及当年引起热议的「攞错奖」事件，并谓希望透过自己过去的经历，给予大家一点鼓励及能量：「有边个冇闹过关家姐？有边个冇笑过关菊英？呢首歌畀咗好多画面我，我唔系伤心，系觉得原来呢啲事系可以过去嘅。我感动系我觉得自己都算坚强，所以好想用呢个鼓励番大家，无论几惨、几瘀，畀人闹到死，你都可以走番出嚟。」

当年「攞错奖」事件曾引起热议。

背后一众歌手惊呆样都好搞笑。

谈到演唱会，Jade坦言因为疫情关系影响进度，但她扬言不会放弃在2022年完成这个计划的希望：「今年点都好想搞，因为今年系20周年，呢个20年系我同所有人嘅20年。」她又谓很希望演唱会能做到四面台：「人生入面点都要试一次四面台，呢样系香港嘅特色嘢。」她又谓现时6岁的囡囡亦很希望能参与妈咪的20周年纪念演唱会：「佢喺背歌词同音准系有啲天份，但都惊佢到时怯场。」

囡囡亦很希望能参与妈咪的20周年纪念演唱会。

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ