林盛斌做人生导师教同行面对负评 身为艺人被闹都系任务之一

不少圈中人都明白做得艺人，被批评、被讨论是必经的过程，正所谓「人红是非多」，有时冇人讨论对艺人来说未必是一件好事。不过面对批评，身为艺人多多少少都会有唔开心，一向性格乐观的林盛斌（Bob）昨日（10日）于IG分享与一位幕前朋友的对话，袋钱入对方袋。

 

林盛斌分享与一位圈中友人的对话。

原来呢位圈中友人不时都被网民到他的社交网留言抨击，Bob分享说：「有啲人会写一啲唔系咁好嘅负面嘢，佢话有时睇到都会好唔开心。」Bob就认真对他说：「我哋做娱乐圈嘅，目的就系要娱乐大家，佢喺你个社交平台留言，插吓你，闹吓你，然后佢身心舒泰咗喎，自我感觉良好咗喎，咁我哋都算完成咗我哋喺呢行要做嘅任务吖！」同埋Bob深明「Haters gonna hate」的道理，认为尽力做好自己已经足够，更向对方加油。呢位朋友仔听完开心返，Bob都觉得自己好似人生导师咁，开解到朋友。

 

林盛斌做人生导师教同行面对批评。

好友陈山聪亦有留言表示：「你系人生导师就梗㗎啦，冇错绝对认同以上嘅对话，加油兄弟，期待你会开班，令更加多嘅人思想同心灵上获得正能量。」Bob即谦虚回覆：「未有资格，小弟仍在努力中。」

 

陈山聪都叫林盛斌开班。

 

陈山聪好认同林盛斌讲嘅说话。

 

更多第5波疫情资讯，请到以下专页浏览按此

立即下载 | 全新《星岛头条》APP : https://bit.ly/3yLrgYZ