独家丨何广沛扮嘢扮上瘾「耶稣」Look首曝光马贯东被丧尸围咬惊住拍

2022-05-07 07:00

以丧尸为主题的喜剧《食脑丧B》，下周踏入结局篇。近期获力捧的何广沛饰演的主角「余阳光」，经常以不同造型现身，《头条》之前就率先公开佢扮猪在中环四围爬，今次再独家佢嘅激似「耶稣」造型，仲会预告马贯东（十仔）演的「辉哥仔」，被丧尸疯狂围咬，拍剧当然唔会真咬，但拍摄时正值疫情严峻的第一波，一班丧尸哥哥擘大口进攻十仔都咪话唔惊。

采访：杜杜

2020年4月，《头条》首曝光广沛在中环扮猪周围爬。

广沛笑指扮「耶稣」经常被人敬拜感觉良好，「高高在上几过瘾几好玩，可惜得一千零一场。」

广沛以「耶稣」造型现身，全因「阳光」发生意外后昏迷一段好长时间。广沛解释：「醒返就满面胡须，成头长发，畀人以为我系『耶稣』，场戏系有啲错摸，都几得意！唔系梦境，但可以扮吓类似『耶稣』角色，几过瘾㗎！呢套戏除咗食脑后会模仿其他人之外，有啲特别嘅造型，希望畀到啲唔同嘅画面观众睇。」

广沛表示扮「耶稣」，较扮丧尸更轻松。

首次黐须的广沛，终于感受到咩系食嘢有难度。

人生首次黐假须

广沛表示差不多每两集就会有新造型出现，笑指虽然几忙，但亦都好好玩，特别今次扮「耶稣」，原来是他首次黐假须，「只系古装试过黐头套。」广沛笑言听前辈讲黐须辛苦，连食嘢同搲痕都有难度，今次终于亲身感受到，「食嘢都惊整到啲须，畀啲须遮住嘅位有啲痕，只可以轻轻掂吓。」

被误会以为是「耶稣」的「阳光」，受到上宾式待遇。

广沛呢个样，又真系几似外国人。

对于「耶稣」造型，广沛第一个反应是觉得自己变了国籍，「可能我轮廓比较深，黐埋啲须，真系有啲中世纪鬼佬嘅感觉，都呃到吓人罗！以为我真系混血儿或者外地人。」不过他最开心连同事都觉得神似，「试造型时，着完啲衫黐完假发同埋啲须周围行，啲人唔系话你做咩扮鬼扮马，而系问『你点解喺度扮耶稣』，一睇已经知，证明个造型好成功。」

「辉哥仔」被「Scott」设局，结果被困丧尸堆。

十仔畀丧尸围咬，场面拍得好逼真。

奋力反抗的「辉哥仔」，要狂打丧尸求生。

赞师弟演丧尸掂

下周剧情另一个亮点，就是十仔演的「辉哥仔」被发现真正身份是特工「申屠正辉」后，会跟黎振烨演的「Scott」反面收场，更被大量丧尸包围狂咬，结果当然难逃变成丧尸的命运。拍摄当日场面相当迫真，原来剧组邀请了一班训练班同学饰演丧尸，个个都相当投入，身为训练班师兄的十仔都大赞，「佢哋演绎啲丧尸好传神。」十仔又笑言要同班丧尸搏斗，用咗好多真力，拍完相当攰。讲到剧中经常会担住支牙签，他解释个中原因，「系由细嘅习惯，唔担牙签嘅时候，个人会好𤷪𤺧，function唔到。」