独家丨吴卓羲风骚踢爆张建声「黑材料」 拍《逃狱2》兴奋演反派
2022-04-26 07:00 
将于本周四上映的电影《逃狱兄弟2》除有原班人马谭耀文、栢天男、张继聪及张建声外，仲新加入演反派角色嘅吴卓羲（Ron）。早前Ron同菊梓乔传绯闻，访问当日Ron显得非常风骚，仲大爆不在场的张建声「黑材料」，指他教前辈做戏，擦损少少又鬼杀咁嘈，好搞笑。采访：方骞平 摄影：沈健程 化妆：Marsha Ma(吴卓羲)、Jennifer @Annie G. (栢天男) 发型：Ian Wong@ii salon(吴卓羲)、Kenki @ w workshop(栢天男) 服装：@amiparis @ithk (栢天男)
《逃狱2》中吴卓羲饰演囚犯，仲系一个大反派，跟以往常演性格冲动嘅警察唔同，所以演得好过瘾：「其实演反派仲好玩，可以乱嚟有好大发挥，反而拍警察嘢要好小心，好怕畀观众捉到错处。奈何电视台一直搵我做冲动警察，佢系要我做都冇办法，𠵱家可以试吓唔同嘅角色。」
栢天男赞打得专业
Ron亦有为角色特别设计点样去「乱嚟」：「我同武指夹过点样打佢哋(张建声手下)，我唔望住佢哋系咁打，你话惊唔惊呀？真系打得好痛快。」栢天男又赞被Ron打得好舒服：「佢打过嚟好凶猛，我畀佢啲气场吓到，但佢出拳到位即停，既准确又专业，完全唔会打到肉。」Ron得戚说：「你估我唔伤㗎！我都会扭亲嘛。」
栢天男今次挑战好多页对白：「今次有型男教路会比上次再做得好啲。」Ron得戚说：「张建声教得你最多喎，佢好锺意教人做戏，唔止后辈连前辈都教，仲教我点样可以打得狼啲。」至于谭耀文最难忘拍一场被吊高嘅戏，落地时意外裂咗3条肋骨。Ron又鬼马笑说：「你就顶得住啫，当日张建声擦损少少就鬼杀咁嘈话自己受咗伤，我忍咗好耐，趁佢𠵱家唔在场举报佢。」
更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ
最新回应