独家丨吴卓羲欢迎菊梓乔随时上门拎物资 惊冇饭食高空卖命拍《飞虎3》

42岁吴卓羲于新剧《飞虎3》演飞虎队员高子乐有好大发挥，佢话有好多难忘场口。他忆述说：「有场追捕疑犯戏，我喺2楼停车场跳落货车顶，除咗位置要夹得啱外，TVB个楼层仲系特别高，相等于喺4楼嘅高度，嗰朝七点几化完妆，武指就话第一个镜头就要跳落去，我反应系讲真定讲笑呀？虽然武指话有替身，但补充一句话『但自己拍出嚟靓啲喎！』咁样做唔做呀？至于另一场爬上10多层楼高嘅天秤做狙击手，由于天秤系通窿嘅，加上拍摄时落紧雨，惊到只可以向前望。」

吴卓羲获封「隐形笋盘」，但佢觉得自己可以再努力啲。

就算手持半亿物业嘅吴卓羲坚持要努力工作。

高调捧场 去年除夕夜，菊梓乔获绯闻男友吴卓羲高调带同家人捧场睇跨年Show。

呢场跳楼戏吴卓羲拍足大半日，惊心动魄。

拍摄时要夹准位置，落点喺货车顶真系有啲难度。

呢个飞车场面，少啲气力都唔掂。

有啲畏高嘅吴卓羲只想快啲拍完呢一幕。

吴卓羲冒雨爬上10层楼高嘅天秤做狙击手，坦言唔敢向下望。

乜都惊就冇人搵你

讲起都惊，拍摄时当然更恐怖，阿Ron坦承：「惊都冇法，冇饭食仲惊呀！左拣右拣动作戏，人哋唔搵你咪变相冇饭食？所以《飞虎4》都有预埋我。」对于第8次跟黄宗泽(Bosco)合作，Ron笑言最紧要公司唔怕闷，不过，如果下套戏讲他同Bosco喺商场上大斗法都几吸引，仲可以偷懒，唔使打。」另外他又赞姚子羚较之前进步好多，是好演员；而蔡思贝就好聪明，理解能力好高。

跟黄宗泽及苗侨伟合作愉快。

未能见蔡思贝最后一面呢场戏，吴卓羲喊到死去活来演技获赞。

有钱靓仔女仔怕怕

另外，问到绯闻女友菊梓乔(Hana)对他演技又有何评价？他笑晒口说：「佢话好好睇啩…唔系点样讲啫？佢凭乜批评我演技呀！」Ron一讲到Hana就口窒窒，记者笑佢好怕女方，Ron如小朋友般反驳，「我怕佢乜呀！」Ron又抵死说系Hana Fans，却又被记者考起，唱唔出她的歌，仲死撑：「你叫返佢唱首我嘅歌，睇佢识唔识？」对于Hana冇否认两人恋情，Ron同样不置可否：「随缘喇。」听毕记者赞佢靓仔有钱冇得输，Ron即有感而发，「有时有钱又靓仔仲惨，个女仔更加冇安全感，好多时会胡思乱想。」记者叫他畀啲诚意，他即说：「尽力啦！其实我好耐冇绯闻，咁嘅年纪仲花弗咩！唉…大家关注疫情先，关注吓超市有冇冻肉及消毒用品买，我呢啲花边嘢放埋一边冇人想关注。」他又自爆家中添置咗大量抗疫物资，问到会否提供畀Hana？他风骚笑说：「随时上嚟我屋企攞。」及后他即补多句：「Bosco、三哥苗侨伟，边个嚟攞都得，我大把。」

去年9月2日系吴卓羲42岁生日，寿星于社交网Tag菊梓乔惹嚟「示爱」疑云。

追问吴卓羲系咪同菊梓乔拍拖？他未有否认。

一提Hana，吴卓羲就忍唔住笑。

吴卓羲拥有7架名车。

更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ