冯允谦处男Show优先订票售罄 夺Chill Club唱作歌手银奖双喜临门

冯允谦（Jay Fung）昨晚在《CHILL CLUB推介榜 年度推介21/22》获得「年度唱作歌手」银奖，而他于7月2至4日在九展StarHall举行的首次个人演唱会，「冯允谦Have a JAY Time 2022 演唱会」，于今早10时透过银行信用卡优先订票，已火速售罄。

 

Jay昨晚在CHILL CLUB颁奖礼上得唱作歌手银奖。

 

Jay好开心好兴奋，他说：「今朝收到一个好好嘅消息，就系我嚟紧嘅个人演唱会，所有优先预售门票卖晒！我好开心，好开心，多谢大家。我等咗十年终于可以开个人演唱会，而知道好多人想嚟睇，我觉得好感恩。买唔到飞嘅朋友唔好灰心，迟啲仲有公开发售。希望之后限聚人数放宽或者加场，咁就可以多啲朋友入场睇我唱歌，不过呢啲都只系我嘅梦想啦！」

昨晚得奖后，Jay表示好感恩：「我非常感恩，虽然我付出好多努力，写咗好多歌，但公司团队和其他合作单位都好努力，所以我想用呢个奖报答佢哋。嚟紧唔可以停，7月2至4日我会举行首个个人演唱会，我有好多歌要写，唔可以停 ，要继续冲。（刚才郑欣宜公开向你追歌？）系，其实我写咗，但觉得未完美，Joyce值得拥有最完美，所以我要再调整到最满意先至畀佢听，好快，我会努力！」
 

更多第5波疫情资讯，请到以下专页浏览按此  

立即下载 | 全新《星岛头条》APP : https://bit.ly/3yLrgYZ