逃狱兄弟2丨吴卓羲否认同菊梓乔屋企夜会谭耀文关心帮口逼供

2022-04-23 20:30

吴卓羲（Ron）、谭耀文与黄德斌等今日到九龙湾出席电影《逃狱兄弟2》优先场谢票宣传，三人一同受访时，均表示对戏院能够重开感到开心，谭耀文说：「知道戏院暂停下，有好多人在非法平台睇咗，但大家都可以再入去感受戏院有不同，亦因为暂停咗一段时间，因此第3集将紧接推出。」德斌表示是好事，大家睇完第2集好会想快睇到第3集，问到可有机会拍第4集？三子坦言未知，要睇观众反应。

众星现身为电影《逃狱兄弟2》优先场谢票进行宣传。

黄德斌与谭耀文（右）衬晒色到场。

Ron今次加入《逃2》，被德斌形容好打得，是将来的动作明星，他即笑说：「咩岁数呀？做动作明星，仲要系将来式！」他透露今次是众人中的麻烦友，算是反派，在剧中「搞搞震」感觉很好玩，问可怕因角色被观众讨厌？他笑言是好事，证明观众睇得投入，问是否不能带女仔去睇？他表示：「我阿妈同家姐都一定会锺意我。（咁唔带绯闻女友菊梓乔睇？）我谂锺意我嘅人都会入场睇，唔理之后锺唔锺意我啦！」

谭耀文（中）与黄德斌都好奇吴卓羲（左）有冇拖拍。

吴卓羲被戴高帽指好打得，反问自己「咩岁数」做动作明星。

提到菊梓乔被指到Ron的寓所夜会，或者带返屋企睇比较好？Ron表示：「大家查清楚先，那栋不是我屋企。」问到当晚是否一齐？他即摇头否认，身旁的谭耀文即起哄笑说：「系兄弟面前老实点好喎！」Ron则指讲的都是事实，在谭耀文「助攻」下，再问是否单身还是有拖拍？他即拉开话题说集中讲电影，谭耀文再以「人生如戏」逼供，Ron无奈说：「谭哥以为你会帮我，好啦喎！」谭耀文再与德斌取笑指Ron好武功，相信是能保护女伴的好老公及好男友。