娟姐上载爆笑《反起跑》花絮 误用力拍到肥仔爆粗「好X痛呀」

ViuTV原创剧《反起跑线联盟》本周五大结局，娟姐同肥仔呢Pair夫妇最得观众欢心，因为够写实，似足观众嘅左邻右里。

好锺意做直播嘅罗氏一家。

 

娟姐Po咗段剧中爆笑花絮片段，剧情讲述，一众家长上堂学习点样同仔女去名校面试，罗生即肥仔挂住瞓，罗太听听吓就叫醒老公，叫唔醒就谂住拍醒佢，点知娟姐唔识用力，一嘢拍到肥仔摸住肚弹起身，仲爆咗句粗「好X痛呀。」全场爆笑。娟姐留言：「我谂真系要上返戏剧班，因为到咗今时今日， 我仲未识『演』，所以只有真做，即系真打. .难为了肚皮 @fatboyip，红都面哂应该真系好X痛。」肥仔冇回应，但有份拍《反起跑线联盟》同《晚吹-有酒今晚吹》嘅强尼就撩交打嘞：「晚吹个坐位隔咁远，你知唔知我要求咗几耐呀？」娟姐饮大两杯可能仲大力，强尼呢啲叫撩鬼攞命喎。

 

娟姐好留心上堂。

拍醒肥仔。

肥仔痛醒。

肥仔痛到爆粗，全场爆笑。

娟姐唔好意思但都一齐笑。

肥仔痛到要坐埋一边。

强尼撩鬼攞命。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ