肥仔193同日生日出Solo新歌两首MV上架未够一日破10万大关

2022-01-15 17:00

「宇宙天团」ERROR两位成员肥仔及193同是1990年1月14日出世，适逢昨日（14日）齐齐生日，二人分别推出Solo歌，MV上架未够一日，肥仔新歌《Dear MAMA》已有14万7千观看次数，而193新歌《再次Puppy Love》更有近17万观看次数。

肥仔新歌大谈亲情，他表示过去试过发梦遇到亲人离世，所以触发他制作这歌，他说：「都知道大家好爱对方，但唔敢亲口讲句多谢，又唔想后悔，唔讲出嚟就唱出嚟。」MV更邀得影后级人马鲍起静饰演妈妈角色，因为对方予人亲切感，但遇上影后，肥仔自言都有点怯，但感激对方带自己入戏，他说：「有场喊戏，起初以为自己唔知要演几多次，心谂最好一Take过啦！点知喊完一次，导演真系要我嚟多次，心谂唔系啩，点知呢个时候，鲍姐突然行过嚟摸下我个头，我就轻易代入返角色，又再喊多次，结果我前后喊咗半个钟！」肥仔坦言这首歌是送给自己妈咪的礼物，希望妈咪看到会感到惊喜。

肥仔新歌MV邀请鲍姐饰演妈妈角色。

鲍姐摸摸头，肥仔又再爆喊。

肥仔起初有点怯，但接触鲍姐后感觉好祥和。

肥仔指新歌是送给妈妈。

肥仔新歌《Dear MAMA》MV昨日上架，未够一日已有14万7千观看次数。

回母校拍摄禁亲热戏

至于193新歌《再次Puppy Love》则以「初恋可以嚟多次」作狂想，今次找来林明帧担任女主角，二人一同饰演学生，事前向帮忙度桥的Writer阿辉要求要自肥，剧情中最好加入一些身体接触情节如头贴头、脸贴脸的场面，不过最终事与愿违，193大叹道：「今次我返自己中学拍摄，都特登来来回回几次返去学校同校长倾，但我母校比较专注学业，校长睇完故仔之后话唔得，因为学校唔鼓吹学生谈恋爱，所以最好唔好有呢啲戏份。咁我梗系用咸湿仔角度，再问校长呢啲戏份可唔可以移师去公园或其他街道拍摄啦，但最终都系被拒纪，所以对校长……Respect！」其实MV中还有3妹（193妹妹）、造星4 Candy及Yoyo、Delta T及霍哥@微辣客串其中，星光熠熠。

《再次Puppy Love》不仅MV很有画面，就连歌词都十分露骨，令人想入非非，不过193却说：「我又唔觉得露骨，如果觉得露骨就系你咸湿。今次唯一一句比较露骨，系『曾幻想一天触碰你身躯　全日尽在被窝畅聚』，本身仲露骨，系『曾幻想一天触碰你双腿』，如果用双腿就真系太露骨喇！」193指他写这句歌词时只是构思一个中学生，幻想自己三十多岁时，在某个周日早上，于美满的家里睡觉，但他忽然跳Tone再说：「但我知一定有咸湿仔谂咸湿嘢，我都唔怪你，我自己都系咁谂！」

两人的生日愿望都是希望ERROR四子及爱戴他们人都身体健康，并在事业上做出更好成绩。