古巨基囝囝指明想打鼓 爸爸幻想将来同台演出

古巨基自从儿子Kuson出世后，专心留在家中做凑仔公，早前他在社交网上载囝囝的高歌短片，Kuson拎住支咪唱歌，音乐感相信是遗传自父亲。而基仔昨晚（4日）再公开新片，已两岁大的Kuson坐在儿童专用梳化上练鼓，拍子感很好，而且打得好投入，身为爸爸的基仔当然不会错过囝囝的表演，拍片记录爱子的成长。

 

基仔期待父子同台表演。

基仔对儿子的兴趣好支持。

 

基仔写道：「我哋之前买玩具俾Kuson都会买啲乐器玩具，小keyboard 呀、ukulele、xylophone.....不过都系偶然玩一玩。但系唔知点解Kuson早排成日问我话想play drum，于是买咗玩具鼓，早两日亦送到来，算系儿童节嘅礼物。呢两日无论瞓醒觉、食饭前、食饭后、临瞓前，都系打鼓！我觉得好神奇，佢好似好知道自己嘅兴趣、天份，自己拣咗一样我冇特别推荐俾佢嘅嘢～睇见佢咁投入打鼓，幻想下将来Kuson会唔会同爸爸同台演出呢？佢咁锺意打鼓，唔通因为我帮佢改名叫Kuson？鼓神？ #古晋匡的第一个兴趣 #Kuson小鼓神 #第时搵KB教佢 #祝所有大小朋友儿童节快乐健康」，有心栽培的话，可能过几年已睇到父子同台演出。

 

Kuson打鼓好投入，仲日打夜打。

Kuson表演欲好强。

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ