张继聪片石喺囡囡面前失威 想地球唞吓拒唱《倒转地球》

张继聪唔使开工，就会做住家男人，陪老婆谢安琪（Kay）同仔女享受家庭乐。日前张继聪又同Kay带埋囡囡张靖（Karina、乳名Kakaball）去沙滩玩，留言：「放假，要尽情！」

戴住一顶西部件仔帽嘅张继聪心情大靓，即场表演片石谂住威畀囡囡睇，姿势十足，但旧石片咗出去唔够两吓就沉没咗，连帮手拍片嘅老婆都忍唔住笑话：「呵呵呵，好屎噃，点呀！」

而另一段片，就见到阿聪喺沙滩扭身，有网民问阿聪点解唔唱最近hit爆嘅《倒转地球》，阿聪亲自回答话：「畀自己同个地球唞吓！」网民都话「答得妙」。