姚焯菲唱甜美版《倒转地球》 粉丝期待炎明熹与姑丈合唱「姑Gi」

陶大宇最近凭登台饮歌《倒转地球》而人气爆升，「宇宙级」唱腔兼「水拨式」台风成为不少人嘅模仿对象。经常被指系「外星人」嘅炎明熹日前与《青春本我》一班演员都嚟个hea唱版《倒转地球》，片中Gigi被主持人问：「知唔知地球倒转会点样？」佢一脸茫然回答：「乜地球唔系不嬲都调转紧？」后来先知道地球系自转...。

或许，少年实在太年轻喇，「火鸡」孙汉霖打头阵用朗诵式献唱，但就将「地球」唱错「气球」；之后冼靖峰、黄奕斌、姚焯菲（Chantel）等轮流献唱，虽然甩拍兼音准欠奉，但各有特色，大家都唱到七情上面，冼靖峰嗌爆咪、Chantel就用温柔甜美声线，令人听到好冧。而片尾仲有彩蛋，就系炎明熹嘅姑丈嘅镜头以外一齐唱，唔少网民都赞姑丈声底好厚，期待佢同Gigi合唱首「姑Gi」。