独家丨林子博移英出首份粮出街食饭庆祝 闹爆楼上邻居狂丢未熄烟头

2021-12-04 03:05
移居英国嘅林子博最开心出咗第一份粮后同家人出街食饭庆祝,但就不满楼上邻居狂丢未熄烟头。
移居英国嘅林子博最开心出咗第一份粮后同家人出街食饭庆祝,但就不满楼上邻居狂丢未熄烟头。

50岁林子博遵从亡妻董燕君遗愿,今年8月底带同16岁长女咏渝及12岁细仔卓楠移民英国,至今生活已安顿下来,一家在曼彻斯特落脚。对于半百人生先嚟适应新生活,子博被赞有勇气:「佢两个系我最宝贵最亲嘅人,所以点样改变都冇所谓,最紧要佢哋喺我身边。」采访:方骞平

移居英国嘅林子博最开心出咗第一份粮后同家人出街食饭庆祝,但就不满楼上邻居狂丢未熄烟头。
移居英国嘅林子博最开心出咗第一份粮后同家人出街食饭庆祝,但就不满楼上邻居狂丢未熄烟头。
爱亲子乐

林子博带小朋友去嘉年华,入面3杯雪糕只系港币50蚊(5英镑)。
爱亲子乐 林子博带小朋友去嘉年华,入面3杯雪糕只系港币50蚊(5英镑)。

林子博移民英国初期波折重重,尤其抵英一个月后仍跟子女住喺曼彻斯特的酒店,由于酒店并非有效的住址证明,子女迟迟未能报读学校被网民闹爆。后来全家人又搬到到郊区诺域治,惟因未能为子女报读学校,无奈又搬返去曼彻斯特,𠵱家子博以月租1,100英镑(约1.2万港元)搬入一个全新嘅3房公寓单位,内里有齐家俬电器包车位,不过由于用料较差甩漏处处,!

怕得重症带仔去打针
不过讲到最令子博不满是非常冇品的楼上住客,「屋苑内冇华人,我住喺低层,但露台成日发现未熄嘅烟头,楼下公家空地更加系重灾区,真系嬲到爆。我惟有摄字条去住户信箱,提醒楼上住客唔好乱抛烟头!如果楼下火烛楼上都走唔甩,我唔系挑衅都系讲道理啫!」除此之外,英国至今(截稿前)有32宗新变种病毒Omicron确诊个案,子博日前同阿仔都去咗打疫苗,「都冇得话惊唔惊,而系控制唔到,最惊反而系呢度啲人唔戴口罩,学生除咗中招唔使返学,学校规定病住都要上堂,但佢哋又唔戴口罩,真系几大镬,所以要去到打针呢步,就算预防唔到,都唔想受感染后得到重症。」

逐户提醒

子博逐家逐户信箱摄字条,提醒楼上啲住客唔好乱抛烟头!
逐户提醒 子博逐家逐户信箱摄字条,提醒楼上啲住客唔好乱抛烟头!
住客冇品

子博租住私人屋苑,楼上住客好冇品,经常掟烟头落街,有啲未熄嘅掟咗落佢露台。
住客冇品 子博租住私人屋苑,楼上住客好冇品,经常掟烟头落街,有啲未熄嘅掟咗落佢露台。

久不久帮衬中式超市
子博强调全家人出外都有戴口罩,亦好少去人多挤迫嘅地方。「之前咏渝及卓楠交叉感染发烧唔退,英国冇乜人睇私家医生,多数买成药搞掂。」英文麻麻嘅子博为咗子女努力适应新生活,「冇问题喎,我哋上一代咪就系咁有冒险精神落嚟香港,每个人移居都系想追求另一种生活。卓楠读紧year 8,咏渝就读专科学校,两个都识到啲新朋友,咏渝仲搵到排舞室学跳舞,大概4至6蚊英磅一堂(约41至62港元),收费算平。而我做地产公司主持直播都出咗第一份粮,一家人出咗去食饭庆祝,如果唔系成日出街食饭份粮都够使,呢度一包大鸡扒有12块只系卖30蚊港元(3英镑)咋,真系开心价,𠵱家两父子会喺屋企煮饭,首选食较平嘅地道嘢,食到闷闷哋先会去中超买餸,相对菜芯等中式嘢价钱较贵。」

公家地下满布烟头。
公家地下满布烟头。
邻居都系外国人。
邻居都系外国人。
环境唔错

子博租住嘅新居景观唔错。
环境唔错 子博租住嘅新居景观唔错。
英式早餐

英式早餐都系港币50蚊(5英镑)一份,都好大份量。
英式早餐 英式早餐都系港币50蚊(5英镑)一份,都好大份量。
英国初雪

英国落初雪,子博同仔女睇雪景。
英国初雪 英国落初雪,子博同仔女睇雪景。
一家四口

3年前,一家人喺芬兰睇雪景,当时太太Shirley仲好健康。
一家四口 3年前,一家人喺芬兰睇雪景,当时太太Shirley仲好健康。
简单下厨

为咗悭钱子博会留喺屋企煮饭仔,都系简单煎焗。
简单下厨 为咗悭钱子博会留喺屋企煮饭仔,都系简单煎焗。
食乜都有

市中心乜都有得食,日式拉面港币80蚊(8英镑)一碗,平过香港。
食乜都有 市中心乜都有得食,日式拉面港币80蚊(8英镑)一碗,平过香港。
开心返学

囝囝终终有得返学,仲识到新朋友。
开心返学 囝囝终终有得返学,仲识到新朋友。
适应生活

卓楠及咏渝相当适应英国生活,表现兴奋。
适应生活 卓楠及咏渝相当适应英国生活,表现兴奋。
家当到达

子博的28箱家当运咗3个月终于到达。
家当到达 子博的28箱家当运咗3个月终于到达。
關鍵字

最新回应

關鍵字

相關新聞

热门文章