独家丨梁诺妍甜呻洪永城好罗嗦　佗B坐余晓彤船出海险遇意外

33岁梁诺妍（Inez）今年7月下嫁洪永城（Tony），同时宣布「造人」成功，预产期为12月。向来热爱运动的她早前大住肚慢跑8公里，被网民狂闹佢鲁莽，Inez强调问过医生冇问题，仲有助胎儿健康发展！其实怀孕初期，Inez曾跟余晓彤（Hidy）为香港开电视节目《碧波游浪记》任主持，二人出航寻本地海洋秘境期间曾遇惊险场面，自问大胆的Inez都吓亲！撰文：黎宝伦　摄影：沈健程　服装：ZARA（梁诺妍）　化妆及发型：Inez Leong （梁诺妍）、NC MAKE UP（余晓彤）　场地：THE WAVE

花了五年时间终考获船牌的余晓彤，即以「船长」身份接拍《碧波游浪记》，未料首日「自驾游」便差点撞船，不谙水性的「水手」梁诺妍笑说：「我都见过世面，唔系好怕死，但原来喺Hidy手上有（接近）死嘅感受！」本来半小时抵达的目的地，因Hidy不断扭軚「S」字行，最终花了数小时才到，Hidy解释考船牌只需笔试合格，无须实战，「我以为好易，点知揸上手一扭成架船会摆，同埋会Delay，加上风同海流，啲涌浪会推你埋一边，好复杂。」

Tony提小心跣亲
当时佗B未够3个月的Inez捉住只船系咁嗌，幸未有催谷害喜，亦没有同老公报告，「佢知我出海拍，叫我玩得开心啲。」提到怀孕仍跑步又冒险，Tony也曾留言叫小心啲，她即放闪笑说：「每次产检老公都会系咁问清楚，医生都话跑步冇问题。佢都好照顾我，开始有少少罗嗦，每次落斜路都提我『你自己一个行嘅时候一定要捉住个栏杆，我上次就差啲跣亲』，佢知我好论尽周围撞。」

早年佗B爬山又潜水的Hidy，认为大肚婆做运动冇问题，最紧要做足安全措施量力而为，更鼓励让小朋友一早接触大自然，「囡囡一个月已经带佢上狮子山，我孭住佢当重力训练，慢慢令佢热爱大自然，跟住就一齐跑山、游水，佢可以喺沙滩冲一日浪，好似多咗个Buddy。」在旁的Inez听到也不停嗌正。