洪永城跑步慢过孕妻 区永权发片取笑：你有咗呀

洪永城（Tony）老婆梁诺妍（Inez）向来热爱跑步，即使身怀六甲都照跑。仲有两个几月就生得Inez，这日在老公陪同下，相约区永权一起跑步，但Tony就被区永权踢爆跑得慢过大肚婆好多，仲有片为证。
区永权在社交网上载片段，他与Inez等候从后慢跑上来的Tony，及3人来个开心合照，留言：「典解嘅？典解嘅？点解一个血气方刚，正值壮年嘅大叔，步行速度竟然仲慢过一个靓靓大肚婆？」

片段中区永权同样笑问Inez：「你依家身怀六甲，但点解都快过嗰位先生嘅？」她即笑谓：「佢都身怀六甲！」待Tony终于走近，区永权再问：「咦先生你有咗呀？」Tony叫他不要将片段Po出来，又谓在后边睇住老婆，更在贴文下留言：「因为……我要系（喺）后边睇住佢同埋睇住你，惊你碌落嚟」！Inez亦转发片段为老公解释：「佢留力跑波马（波士顿马拉松）」。