Edan请缨为妈咪砌枱赢尊重 Wyman搞笑指可「枱」头做人

MIRROR成员吕爵安（Edan）多才多艺，皆因钢琴、小提琴他都识演奏，此外更是跆拳道黑带高手，原来连砌家俱也难不倒他，难怪要在IG出post炫耀一下。

Edan昨晚（4日）贴相贴片留言，指因早前换了部钢琴，为帮屋企悭位，吕妈妈换了一张较细的饭枱，刚巧日前Edan难得早收工，于是决定回家帮妈咪砌好张新枱，他谓：「我好有型咁话：『唔洗搵人帮啦，等我嚟。』咁我谂住凭我细个砌模型嘅经验，应该轻轻松松啦，点知竟然砌咗成2个半钟，劲多零件，屋企又冇乜工具，搞到手都损埋。即刻同阿妈讲，下次唔好悭嗰几嚿水，畀人砌算啦。不过砌完后系几有成功感嘅，同埋成功获得阿妈同阿妹嘅尊敬同赞赏。妹：『哗哥哥真系好犀利喎』妈：『生个仔果然都有啲用』。而家行出厅都威风啲，值得值得。」曾与Edan合作的填词人黄伟文（Wyman）则搞笑留言：「以后可以『枱』头做人。」

不过相信一众「爵屎」却很心痛，皆因见Edan贴出右手受伤的相片，见中指甩皮、兼掌心及食指又红一大挞，要man要威都要付出少少代价。