全民造星IV｜16岁阿Yo靠后生踢走乐队主音Ashi 评判导师爆分岐
2021-11-03 23:45 
以打造女团为目标的《全民造星IV》，今晚播出第三集，评判由朱栢康、DJ Donald和郑融担当。今集出场以13号28岁独立乐队小红帽主音Ashi，对决92号16岁巨鼻学生妹阿YO最受争议。Ashi面试时，已经忍唔住落泪，事关许廷铿（Alfred）突然问Ashi：「我想问小红帽成员点睇你参加《造星》？」之后又叫Ashi对住镜头向队员讲，Ashi讲吓讲吓就开始落泪。
Ashi于第一回合表演自弹自唱《Just the Two of Us》，一开口就获得花姐好评「好听喎唱得」，Alfred都表示：「得啊」，似乎对Ashi嘅表演好满意。不过三位评判就有唔同睇法，朱栢康就直指Ashi触动唔到佢，对其表演似乎冇好感。
而与Ashi对决的16岁阿Yo就俾花姐点名，指骂她表演时不断想企前突出自己，骚扰其他人，花姐对佢印象非常差。阿Yo喺第一回合就选择跳舞，背景歌系Anson Lo的 《EGO》，成个表演都被花姐同两位导师批评，花姐直言，「咁样跳有咩意思？」
不过三位评判似乎对阿Yo的表演好满意，开口就大赞。结果阿Yo以三盏红灯成功晋级，Ashi则落入淘汰区。如此结果即刻吓窒花姐同两位导师，花姐仲爆咗句：「啲评判好攰呀？」，对结果好似唔太满意。而两位导师都无揿灯，最后被三位评判安排入Alfred队伍，佢相当无奈。
最新回应