Tyson Yoshi兴奋晒三上悠亚露点闪咭 形容今日系Lucky Day

现年27岁的Tyson Yoshi（程浚彦）自从跟姜涛、柳应廷（Jer）及林家谦合作演出《拉阔音乐会风火雷电》后，人气劲升，多广告又多Event，估佢呢期搵唔少，但原来佢系富二代。Tyson Yoshi因为经常喺IG Po生活照，屋企出镜率好高，有眼利传媒就发现Tyson Yoshi家住深湾千尺豪宅，楼价起码4,000万港币。对于被起底一事，Tyson好唔惯，因为影响到家人，同埋强调豪宅系属于家人唔系佢嘅，仲话，「要为家人及身边人谂多一步，唔会咩相都放上网。」

不过话口未完，今日Tyson Yoshi放咗一堆AV女优三上悠亚嘅亲笔闪名裸照到IG Story，一堆嘅意思因为有4张，仲有一张DNA毛卡，冇错，真系体毛，但唔知边一个位置，仲有一只盛惠580蚊嘅「CJ SEXY CARD SERIES VOL.80三上悠亚 一盒12包 （连特典卡）」，当中有内衣相，亦有全裸但被Tyson后遮嘅相片，唔敢讲系咪全部属于Tyson，但佢用Lucky Day形容收到呢堆相嘅感觉，即系可能系佢啦。
可以咁坦白承认自己锺意三上悠亚，佢会唔会多咗一班男人Fans呢?