全民造星IV｜伪韩妹DAY自称零演出经验 其实系KPOP舞团成员经常比赛
2021-11-04 23:15 
今集《全民造星IV》出场嘅有19岁许轶(Day)，佢面试时就自称系港版LISA加JENNIE，又透露自已曾经喺韩国做过半年练习生。不过面试表演就频频出错，又跌咪又唔记得自己要唱咩歌又忘词，但都成功得到导师注意。
Day正式比赛拣选跳唱欣宜的《罚你》，佢喺台上非常有自信，又识捉住镜头，表现好专业。三位评判睇完都大赞，DJ Donald直言：「我觉得佢好ready啦，冇演出经验都做到佢做嘅嘢，咁我觉得好嘢。」最后Day成功以两盏红灯晋级，并进入许廷铿（Alfred）队伍。
不过Day喺简介自称自己冇演出经验，但睇返佢嘅社交平台，发现佢系Cover Kpop的香港舞团BRIGHTEN成员之一，舞团亦曾经到校园演出，亦曾参加唔少比赛，绝对唔系佢所讲嘅冇演出经验。另外，Day嘅生活照都有浓浓嘅韩味，似乎冇咩个人特色，亦有唔少网民怀疑佢整过容。
關鍵字
最新回应