独家丨乔宝宝获分配早更凑乔孙孙 赞林子博醒目主动介绍工作
2021-10-15 01:45 
51岁乔宝宝今年8月30日荣升爷爷，大仔「印度豹」的太太诞下儿子Khalson(乔孙孙)，9月30日除咗为孙仔摆满月酒外，回家仲同两子切饼庆生。𠵱家全家人抢住去凑BB，所以要分配时段免得有争拗。提到林子博自爆英国新工作经乔宝宝介绍，宝宝觉得离乡别井唔容易，系要有个照应嘅。采访：方骞平
现居于苏格兰格拉斯哥嘅乔宝宝正职凑孙，乔家四代同堂，日日都好欢乐，他说：「乔孙孙受全家宠爱，𠵱家我哋要分段凑B，我负责7至12点早更，帮手执头执尾做剪草等粗重家务，亦会接力扫吓风、BB喊就哄吓佢，但睇住佢成长都乐在其中，乔孙孙由出世7磅长肉到10磅，不过仲系冇乜头发。」问到会否将屋契送赠孙仔？乔宝宝坦言两公婆已将屋契平分咗畀大仔及细仔了：「将来个孙有冇承继权由大仔话事，不过，大仔两公婆搵钱多我好多啦，唔使令我担心。」
子博早有移民准备
另外，秘密带埋子女移居英国嘅林子博喺一间地产公司做Marketing，份工由宝宝介绍，宝宝觉得一个人离乡别井要多啲照应，多啲鼓励，觉得子博系一个醒目仔：「我都想下一代教育好啲，所以03年送咗佢哋去英国求学，𠵱家大仔学有所成，咁子博都想搵我取吓经。其实佢喺年几前经已问咗我好多呢度生活上嘅资料，并唔系冇准备嘅。」
關鍵字
最新回应