独家丨Joe Junior有得开骚多谢个天 当年心脏病发险变植物人

Joe Junior喺疫情下等足两年半，铁定本月25日及11月1日分别于沙田大会堂及文化中心举行《POP LEGEND JOE JUNIOR IN CONCERT》，主办商环星娱乐原先邀请李乐诗担任嘉宾，可惜她确诊患上乳癌。从而令Joe哥回想5年前死里逃生经历，更差点变成植物人，谂起都惊。采访：方骞平 摄影：沈健程

从小热爱唱歌的Joe Junior经历过高高低低，形容有10几年喺大海浮沉等人救上岸：「我唔够靓仔，但又有好多女仔追，啲人唔抵得咪唱吓你，踩吓你罗！有啲人甚至会揸住鸡毛当令箭，出现一啲唔公平现象，明明喺个宴会有得唱变咗冇，识唱歌又开唔到演唱会！嗰时年纪仲细，返到屋企会好委屈咁爆喊。压力日积月累，加埋年纪大，太劳累最终大病一场。」

开心最紧要
Joe哥重提当年患上冠心病的恐怖经历：「嗰日喺桑拿房因为透唔到气入咗私家医院，但过百万通波仔手术费真系负担唔到，最后转咗去律敦治医院ICU，点知头3个星期因为脑积血右边身突然半身不遂，医生叮咛我点艰难都要企起身，长期躺平有机会变植物人，当时我真系好惊以为自己咁样玩完，见亲边个嚟探我都喊，话唔想以后坐轮椅唱唔到歌，所以李乐诗唔舒服，大家就吓佢；正如当日我唔舒服大家就吓我一样。」所以𠵱家行动自如可以开Show，Joe哥真系好感恩，话要多谢个天，同埋多谢过往帮过佢开show嘅恩人，「𠵱家最重要开开心心过每一日，钱系重要，但少啲唔紧要，命里有时终须有，命里无时莫强求。」