林子博带子女移居英国波折重重 开网上频道分享生活难题

2021-09-27 12:30
子博喺youtube开咗个《子博在英国》频道讲留英生活,大家记得like、订阅及分享 。
子博喺youtube开咗个《子博在英国》频道讲留英生活,大家记得like、订阅及分享 。

50岁嘅前无綫娱乐新闻台主播林子博太太董燕君(Shirley)于上年不敌癌症逝世,今年8月林子博带埋一对仔女移民英国,离开伤心地重过新生活,遵从亡妻嘅遗愿好好栽培一对子女成材。身在英国曼彻斯特(曼城)嘅林子博喺youtube开咗个《子博在英国》频道讲留英生活,首集昨晚首播,播出15小时有二千四百观众收看,唔少网民送上祝福及留言叫他加油。

 

子女未返到学

精神饱满的子博对住镜头正式交待喺英国嘅生活,他说:「大大话话嚟咗英国一个月时间,唔少朋友透过唔同平台问我习惯咗英国嘅生活未?系咪经已Settle落嚟?小朋友系咪返咗学呢?实不相瞒,小朋友仲未返到学,𠵱家我哋仲住喺酒店。」他唉一声续说:「原来唔系咁简单,因为住唔起大城市伦敦,就拣咗第二大城市曼城,当日谂住先搵间酒店落咗脚,再搵租盘,但呢度嘅业主系要睇租客有冇工作,唔系话肯交一年租金就随便租屋出去,所以就棘住咗好多相关嘅嘢,好似仔女搵学校要有正式嘅租约证明,而酒店唔算系住址证明,除非租Airbnb旅居,所以小朋友未有得报学校,𠵱家仲喺度搵紧屋嚟租。不过,日内会转住Airbnb,始终住酒店冇炉头煮食,除此之外冇得洗衫,要经常出去食嘢同洗衫真系好烦。嚟度我第一时间租车,但呢度啲人慢活,租车都等成个月。」

子博喺youtube开咗个《子博在英国》频道讲留英生活,大家记得like、订阅及分享 。
子博喺youtube开咗个《子博在英国》频道讲留英生活,大家记得like、订阅及分享 。
林子博带子女去咗英国一个月原来仲未Settle down,讲起都好烦。
林子博带子女去咗英国一个月原来仲未Settle down,讲起都好烦。

边学边做整饼

第一次去英国的子博,认为去到一个人生路不熟的地方,生活照应好重要,幸而英国由南到北都有朋友,他有朋友喺曼城市中心开咗间甜品外卖店,因而由朋友做盲公竹。之前朋友店铺唔够人手,他落铺帮手整月饼及菠萝包,但强调唔系转行:「我发觉都几好玩,但饮食业时间好长都辛苦,自己要拜师学艺,边学边做,至少要有认识,先够胆效发朋友开店。」他又表示,喺英国最唔惯饮食方面,因为香港太多好西:「呢度keep住食汉堡包、沙津、薄饼、有时食到中餐炒饭、炒面,连意粉都少食,真系好挂住香港茶餐、豆腐花、粥、油炸鬼、泰菜…连五香肉丁喺呢度嘅中国超市都买唔到,至于其他生活细节ok。」

 

唔够分去加国

他坦言其实首选去加拿大居留,除咗有好多朋友喺加拿大,仲有相熟朋友搭咗路,可以喺当哋电台反电视台开咪及做节目,做返自己喜欢嘅工作,无奈唔够分申请技术移民,英文程度又低唔可以读书移民:「幸好英国教育喺世界排头几位,同小朋友嚟呢度未尝唔系好事,而且我今次冇包袱离开,我喺香港冇正职兼冇物业,我只系带住4个大行李喼及5-6袋嘢,另有枝结他。至于船运就有28箱物品,当中有衫裤鞋袜仲有相簿、数码钢琴、木箱鼓、卡拉ok机、游戏机、电脑…最好家档唔好咁快到,因为未有地方住,否则又要畀仓租。」

子博喺youtube开咗个《子博在英国》频道,上载咗15小时有二千四百个观众收看。
子博喺youtube开咗个《子博在英国》频道,上载咗15小时有二千四百个观众收看。
唔少网民为三父子女打气,送上祝福及留言叫他加油。
唔少网民为三父子女打气,送上祝福及留言叫他加油。

今年8月子博举家低调移民英国。
今年8月子博举家低调移民英国。
子博喺当地边学边做整饼,月饼及菠萝包都做得有板有眼。
子博喺当地边学边做整饼,月饼及菠萝包都做得有板有眼。
16岁长女咏渝喺英国街头跳舞自娱。
16岁长女咏渝喺英国街头跳舞自娱。
太太离开后,子博决定带埋一对仔女移民英国,离开伤心地重过新生活。
太太离开后,子博决定带埋一对仔女移民英国,离开伤心地重过新生活。
子博跟16岁长女咏渝及12岁细仔卓楠都唔舍得离开香港。
子博跟16岁长女咏渝及12岁细仔卓楠都唔舍得离开香港。
今年8月林子博遵从亡妻嘅遗愿好好栽培一对子女成材。
今年8月林子博遵从亡妻嘅遗愿好好栽培一对子女成材。
子博带埋木结他随身出发。
子博带埋木结他随身出发。
其实子博最爱做返演艺工作。
其实子博最爱做返演艺工作。
關鍵字

最新回应

關鍵字

相關新聞

热门文章