独家丨否认外形升级靠加工 蔡港评：其实都想整㗎

18年的《全民造星》将蔡港评（小评、Kobbie）由舞蹈员变身歌手，睽违这段日子他签了公司，去过美国学艺，先后推出了两首英文歌《Proud Of Me》、《New Me》和一首国语歌《Anymore》，歌艺进步之馀，外形亦升级，除了大只了两、三个码，靓仔样被网民直指靠整容加工，小评否认兼大方回应：「其实都想整㗎！我都唔介意。」撰文：杜淑霞 摄影：张咏森 发型：Harry Lau@Beijing Hair Culture

参加《造星》期间，小评已被现时经理人睇中，若然冇签约有可能成为MIRROR一员，但他完全冇后悔，「首先好戥佢哋开心，大家都可以喺锺意嘅目标上努力，自己都好开心签咗而家公司，签到间国际性多少少嘅公司系好好彩，如果公司搞啲选秀活动，可能由尖沙咀排到去港岛区，自己未必有呢个机会，好彩喺朋友介绍下认识到而家经理人。」


美国边玩边工作

虽然早前小评好似比较沉寂，但原来他到了美国学艺兼制作新歌，三首新歌《Proud Of Me》、《New Me》和《Anymore》都在当地制作，「喺LA主要系见啲音乐人，了解多啲制作上嘅嘢，同埋拍MV，我之前出嘅歌《Proud Of Me》、《New Me》MV都喺美国LA同埋Las Vegas取景，去咗好多唔同景点，喺嗰边一边玩一边做嘢真系好开心。」

小评首支派台国语歌《Anymore》MV引起不少回响，虽然全黑白但大晒他劲爆腹肌和胸肌，他承认有意走性感路线而狂操肌，「见到啲外国Model都想似佢哋咁澎湃，公司安排咗个教练畀我，安排我饮食同锻鍊上，胸肌大咗两寸，近40寸，以前60kg，而家65kg，希望增肌肉去到70kg。」除了身形升级，网民亦质疑他靓仔咗靠整容，「其实都想整㗎！我都唔介意，但系而家都冇整到，都有呢个效果都好开心。（想整边度？）眼、鼻乜都可以整吓，始终自己唔系靓仔。（而家对眼精灵咗？）黐咗双眼皮胶纸，啲小技巧就帮到自己好多。」