张达伦为储钱买楼搏到尽 全日洗费限用250蚊

TVB资讯节目《我要做业主2》的最新一集，请来张达伦（Max）分享当年储钱买楼的过程，为了储首期，Max不惜用尽任何方法，直到年多前才成功上楼，他说：「香港楼贵，要储首期真系好大嘅问题，我以前系点样储到呢笔钱呢？除咗工作慢慢累积或股票赚，有段时间我系恐怖到有朋友结婚，收到请柬又唔想唔去，都想戥佢开心嘛，我就只去一阵，人情就畀少啲要咁样悭钱。」

Max表示始终做艺人收入不稳定，就算一元也要储起来：「嗰阵未有小朋友，一天最多只能用250元，咁呢250元要点样用呢？可能一餐食面包，就算放工都要留喺饭堂食饭，仲有外景，点解会冇饭盒？因为早收工就冇，傻咗咩，咩早收工，咁我咪拍夜啲。」最后眼见楼价不断上升，Max与太太商量过后，把心一横决定将原先租住的楼买下来，成功上车。

同场的嘉宾还有高海宁，早已成为业主的她表示受妈妈的影响，觉得投资砖头是最稳阵：「而家睇番转头，系好庆幸买咗层楼，某程度上你会觉得经济独立咗，自由咗，我先可以追求生活上嘅自由。」